29.10.2026 | 21:43
Թուրքիայի Կապադովկիա շրջանում երկու մարդ է զոհվել, ևս մեկը՝ վիրավորվել ժայռաբեկորների փլուզման հետևանքով․ ՏԵՍԱՆՅՈՒԹ
Ձկների վերջին անկման պատճառը որևէ վտանգ չի ներկայացնում մարդու համար. ՍԱՏՄ ղեկավար․ ՏԵՍԱՆՅՈՒԹ
26.12.2022 | 11:45
2022թ․ 2-րդ եռամսյակում ստուգումներ և մշտադիտարկումներ են իրականացվել ձկնաբուծության ոլորտում, ձկնաբուծարաններում կատարվել են լաբորատոր հետազոտություններ։ Այս մասին այսօր «Սննդամթերքի անվտանգության տեսչական մարմնի տարվա արդյունքների ամփոփում» թեմայով հրավիրված ասուլիսում նշեց ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանը։
Նրա խոսքով՝ նաև մոնիթորինգ է իրականացնվել ձկան մսի մեջ մնացորդային նյութեր հայտնաբերելու վերաբերյալ․ «Այդ տվյալներն ուղարկում ենք ԵՄ, որպեսզի կարողանանք ԵՄ շուկան բացել, և մեր տնտեսվարողները հնարավորություն ունենան արտահանել ձկնամթերքը։ Տվյալները գնալով ոգևորիչ են լինում․ 2022 տվյալներն այնքան լավն էին, ու հույս ունենք ԵՄ-ից դրական ազդակներ կգան»։
Անդրադառնալով ֆեյսբուքյան տիրույթում տարածված խուճապին՝ կապված փողոցից սատկած ձկան միս գնելու հետ, ՍԱՏՄ ղեկավարը նշեց․ «Դա ճիշտ մոտեցում է, որ ընդհանրապես փողոցից սնունդ գնել չի կարելի, այնուամենայնիվ այն հիվանդությունը, որի պատճառով վերջին շրջանում ձկան անկում է նկատվել, մարդու համար որևէ վտանգ չի ներկայացնում։ Իհարկե դա չի նշանակում, թե կարելի է փողոցից սատկած ձուկ գնել կամ ընդհանրապես կենդանական ծագման որևէ սննդամթերք գնել»։
Մանրամասները՝ տեսանյութում։
