08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Փողոցում վաճառվող մսամթերք եք գնում, խնայում՝ 200 դրամ, բայց վտանգում եք ձեր առողջությունը․ ՏԵՍԱՆՅՈՒԹ
Հասարակություն
26.12.2022 | 11:33
Մենք ամեն ինչ անելու ենք, որ շուկայում վաճառվի միայն սպանդանոցային ծագման մսեղեն։ Այս մասին այսօր հրավիրված «Սննդամթերքի անվտանգության տեսչական մարմնի տարվա արդյունքների ամփոփում» թեմայով ասուլիսում նշեց ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանը՝ ընդգծելով՝ սպանդանոցային մորթն այլընտրանք չունի։
«Վատ միս վաճառողները, այսպես կոչված «դալալներն» ամեն ինչ անում են, մեքենայություններ են մտածում, որոնց միջոցով շրջանցում են այդ կարգը։ Ոստիկանությունն զբաղվում է այդ ամենով, կան հարուցված քրեական գործեր․ կարծում եմ՝ դա կսթափեցնի անբարեխիղճ տնտեսվարողներին, քանի որ միայն մեր տուգանքները բավարար չեն, որ ավելի զգոն լինեն»։
ՍԱՏՄ ղեկավարն անդրադարձավ փողոցային առևտրի խնդրին․ «Փողոցային վաճառքի դեպքում հնարավորություն չունենք տուգանելու, դա ՏԻՄ գործառույթն է, աշխատելով նրանց հետ՝ փորձում ենք լուծում տալ այդ խնդրին։ Սակայն այդ խնդիրը չի լուծվի, քանի դեռ փողոցից առևտուր անող քաղաքացիներ ունենք։
Փողոցում վաճառվող մսամթերք եք գնում, խնայում՝ 200 դրամ, բայց վտանգում եք ձեր և ձեր ընտանիքի առողջությունը»,- նշեց Ավետիսյանը։
Մանրամասները՝ տեսանյութում։
