29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Ի՞նչ նպատակով է ադրբեջանցի ու թուրք զինվորների ահռելի քանակ հայտնվել Նախիջևանի սահմանին․ Արամ Սարգսյանի մտահոգությունը. ՏԵՍԱՆՅՈՒԹ
Քաղաքականություն
11.06.2018 | 17:21
«Արցախի կողմը մասնակից է բանակցություններին գոնե այնքանով, որ համանախագահները քննարկումներ են անցկացնում Ստեփանակերտում, ՀՀ իշխանությունները մշտապես կապի մեջ են, այնպես որ, ասել, որ Ստեփանակերտը չի մասնակցում բանակցություններին, այդպես չէ, ինչի մասին պետք է ասել նաև ադրբեջանական կողմին»,- այս մասին ասյօր հրավիրված մամուլի ասուլիսի ընթացքում ասաց Հայաստանի դեմոկրատական կուսակցության նախագահ Արամ Սարգսյանը։
Քաղաքական գործչի համար խիստ մտահոգիչ են տեղեկությունները, որ ադրբեջանական կողմը սահմանագծով վերահսկողության տակ է վերցրել հայկական գյուղեր և որոշ բարձունքներ: «Էնտեղ կանգնած է Ադրբեջանի առանձին բանակը, կողքին՝ թուրքական կորպուսը։ Էդ ահռելի քանակությամբ զինվորականներին պահելը գերծախսային է, դա փաստ է։ Իրենց նպատակները լրիվ այլ են։ Էստեղ է, որ հակահարձակողական և բացահայտման քաղաքականությունը մեր կողմից կարևոր է, որովհետև, եթե թշնամուն ասում ես՝ ինֆորմացված եմ, նշանակում է՝ առնվազն 50 տոկոսով զինված եմ»,- ասաց Արամ Սարգսյանը՝ նշելով, որ Նախիջևանում զինվորական կուտակումների հարցը միջազգային հանրությունը կարող է անտեսել, աչքերը փակել, ինչպես փակում է շատ այլ հարցերի առաջ։
Մանրամասները՝ տեսանյութում:
