23.03.2026 | 13:22
Սրբուհի Գալյանի ճեպազրույցը. ՈՒՂԻՂ
Էդմոն Մարուքյանն անդրադարձել է Հիքմեթ Հաջիևի հայտարարությանը
Քաղաքականություն
24.12.2022 | 16:37
Հատուկ հանձնարարություններով դեսպան Էդմոն Մարուքյանն անդրադարձել է Ադրբեջանի նախագահի օգնական Հիքմեթ Հաջիևի այն հայտարարությանը, թե «Ադրբեջանը չի փակել Լաչինի միջանցքը»:
«Հիքմեթ Հաջիևը ցույց է տալիս ԿԽՄԿ-ի՝ Լաչինի միջանցքով անցնող տրանսպորտային միջոցներ։ Ադրբեջանի ղեկավարությունը, սա ներկայացնելով որպես մարդասիրության ակտ, վերահաստատում է, որ Լեռնային Ղարաբաղը գտնվում է խորը հումանիտար ճգնաժամի մեջ, Լաչինի միջանցքը արգելափակված է Ադրբեջանի կողմից և մուտք ունի միայն Կարմիր Խաչը»,- «Թվիթեր»-ում գրել է Մարուքյանը:
Հիշեցնենք՝ իրենց «անկախ բնապահպաններ» կոչող մի խումբ ադրբեջանցիներ դեկտեմբերի 12-ից փակ են պահում Արցախը Հայաստանին կապող միակ ճանապարհը։ 1100 քաղաքացի, որից 270-ը՝ անչափահաս, տուն վերադառնալու հնարավորություն չունի: Միջանցքը փակ է նաև շտապօգնության մեքենաների համար։ Հիվանդանոցները չեն ստանում անհրաժեշտ բժշկական ապրանքներ ու դեղորայք, մթերային խանութների դարակները կիսադատարկ են։ Միջազգային հանրությունը, մեծ թվով պետությունների արտաքին գերատեսչություններ և իրավապաշտպան կազմակերպություններ, ՄԱԿ-ի Անվտանգության խորհրդի անդամ երկրների ներկայացուցիչներ պահանջում են անմիջապես վերացնել արգելափակումը, որը մարդասիրական ճգնաժամ է առաջացրել Լեռնային Ղարաբաղում:
