Լավ կլինի՝ Փաշինյանը Սանկտ Պետերբուրգ չգնա․ կարող են, օրինակ, քաղաքական հայտարարությամբ օրինականացնել ԽՍՀՄ վարչական սահմանները․ Արա Պապյան․ ՏԵՍԱՆՅՈՒԹ

Լուրեր

20.11.2026 | 17:53
Պուտինի, Թրամփի և Սի Ցզինպինի ընդունած «խաղաղության հռչակագրում» Ուկրաինային վերաբերող կետ է եղել, որն ԱՄՆ-ի խնդրանքով հանվել է․ Ստուբ
20.11.2026 | 17:50
Եթե այս օրենքն էլ ընդունվի, ամեն տարի առնվազն մոտ 100 քաղաքացի ազատվելու է ծառայությունից. Մանուկյան․ ՏԵՍԱՆՅՈՒԹ
20.11.2026 | 17:45
Դատարանը մերժել է Վարդան Ղուկասյանից 400 քմ հողատարածքը պետությանը վերադարձնելու Դատախազության հայցը
20.11.2026 | 17:37
Լեհաստանի իշխանությունները հայտնել են երկրի տարածքում ռուսական երկու հրթիռի և մեկ ԱԹՍ-ի ընկնելու մասին
20.11.2026 | 17:30
«Ստնտուկ»-ի որոնումների ռեկորդ՝ Google-ում․ որտեղից ծնվեց հայերենում գոյություն չունեցող բառը․ ՏԵՍԱՆՅՈՒԹ
20.11.2026 | 17:22
MLS-ի ամենաբարձր վարձատրվող ֆուտբոլիստները
20.11.2026 | 17:10
Այսօրվանից մինչև փետրվարի 1-ը Սևանա լճում արգելվում է ձկնորսությունը․ պարեկները ուժեղացված հսկողություն կիրականացնեն
20.11.2026 | 16:58
Իրանից Հայաստան եկած երկու բեռնատարում հայտնաբերվել է ավելի քան 247 հազար տուփ չհայտարարագրված ծխախոտ․ բյուջե չի վճարվել 96 մլն դրամի հարկ
20.11.2026 | 16:43
Վահան Հունանյանը նշանակվել է Լեհաստանում ՀՀ դեսպան
20.11.2026 | 16:40
Չի բացառվում, որ վստահված անձանց վճարել են, բայց այլ անուններով, հայտարարգրում ոչինչ չկա․ Հոկտանյան․ ՏԵՍԱՆՅՈՒԹ
20.11.2026 | 16:34
Գուրգեն Արսենյանը հետ է կանչվել Ռուսաստանում ՀՀ դեսպանի պաշտոնից․ նշանակվել է Սամվել Մկրտչյանը
20.11.2026 | 16:29
Ազգերի լիգա. Քառորդ եզրափակիչի զույգերը
20.11.2026 | 16:24
ՀՀ-Ադրբեջան կարգավորման ռուսական մշակումներն արդիական են նաև այսօր․ Զախարովան՝ Փաշինյան-Ալիև հանդիպման մասին
20.11.2026 | 16:15
Էստոնիայի կառավարությունը որոշել է դեկտեմբերի 1-ից փակել Ռուսաստանի հետ սահմանը
20.11.2026 | 16:06
Մինչև տարեվերջ նախատեսվում է պահեստազորի մինչև 10 սպայի զորակոչել պարտադիր զինվորական ծառայության
Բոլորը

Factor TV-ի հարցազրույցը ՀՀ արտակարգ և լիազոր դեսպան, քաղաքագետ Արա Պապյանի հետ

-Արդեն 12-րդ օրն է, ինչ Արցախը շրջափակման մեջ է։ Ձեր կարծիքով՝ ո՞րն է Ադրբեջանի իշխանության գլոբալ խնդիրը, ի՞նչ խնդիր են ուզում լուծել, պարզ է, որ բնապահպանների հայտարարած նախնական ծրագիրը չի համապատասխանում այս գործողությունների իրական նպատակին։

-Հասկանալի է, որ բնապահպանները ծխածածկույթ են։ Եթե նկատի ունենանք մեծ ծրագիրը, ապա դա Արցախը հայաթափելն է, այսինքն՝ ստեղծել այնպիսի վիճակ, որ մարդիկ իրենց ավելի վատ զգան, անվստահ լինեն և լքեն երկիրը։ Այս շրջափակումը պայմանավորված է մի քանի հանգամանքներով․ կա ռուսական շահ, կա ադրբեջանական շահ․․․ Փակում ես միջանցքը, ճնշման լծակը մեծանում է հումանիտար աղետի շեմին, հետո առաջարկում ես ինչ-որ բան դիմացը ստանալ և բացել։ Իհարկե, այդ միջանցքը և նաև ՀՀ-ին Միութենական պետության անդամ դարձնելը մեծ նպատակներն են, բայց կան նաև փոքր նպատակներ, դրանք հընթացս իրագործվում են՝ սկսած այդ ճանապարհի նկատմամբ վերահսկողություն հաստատելուց, Արցախի՝ ռուսների վերահսկողության ներքո մնացած հատվածում այլ գործողություններից և այլն։ Այնպես որ՝ Լաչինի միջանցքի փակումն օգտագործվում է որպես լծակ ՀՀ-ի վրա ճնշում գործադրելու համար։

-Եվ ինչքա՞ն կարող է դա տևել։

-Իմ կարծիքով՝ դա կարող է տևել մինչև դեկտեմբերի 26-27-ը, որովհետև այդ օրերին Սանկտ Պետերբուրգում պետք է կայանա ԱՊՀ երկրների ոչ պաշտոնական գագաթաժողովը, և քանի որ առջևում ԽՍՀՄ-ի կազմավորման 100-ամյակն է, վստահ եմ, որ Պուտինը եթե ոչ պայմանագիր կամ համաձայնագիր, ապա առնվազն քաղաքական հայտարարություն պետք է դեմ տա, որ ստորագրեն։ Այսինքն՝ պետք է գնահատականներ տրվեն, գովեն ԽՍՀՄ-ը․ գիտենք՝ Պուտինն ինչպիսի մոտեցում ունի։ Այդտեղ դա Հայաստանի վրա լավ լծակ է, ինչպես նաև հնարավորություն՝ ինչ-որ բան խոստանալ, օրինակ՝ սա ստորագրում ես, մենք մինչև Նոր տարի բացում ենք միջանցքը։ Ադրբեջանի համար էլ դա հնարավորություն կլինի դեկտեմբերի 30-ին կամ 31-ին բացելով՝ ասել՝ տեսեք, թե ինչքան լավն ենք, տոների առիթով հայերին լավություն ենք անում։ Իհարկե, դրա բուն պատճառը լինելու է ինչ-որ բան կորզելը։ Եվ տեսնում ենք, որ ԱՄՆ-ը ճնշումն ուժեղացնում է՝ կոշտ պահանջներով, այսինքն՝ առանց նախապայմանների անմիջապես բացել Լաչինի միջանցքը։

-Նման կոշտ, հասցեական հայտարարություններ նախկինում էլ են եղել, այդ թվում նաև վերջերս՝ սեպտեմբերյան իրադարձությունների ժամանակ։ Ձեր կարծիքով՝ ինչո՞ւ կոշտ հայտարարություններից քայլերի չեն անցնում թե՛ ԱՄՆ-ը, թե՛ ընդհանրապես հավաքական Արևմուտքը։

-Ցանկացած գործողություն ծնվում է նախ որպես միտք, հետո ձևավորվում է հայտարարություն, հետո նոր կարող է վերածվել գործողությունների։ Պիտի հասունանա։ Տեսնում ենք, որ այս ամբողջն աստիճանական է գնում։ Օրինակ՝ սեպտեմբերյան իրադարձությունների ժամանակ մենք 18 ռազմագերի ունեինք, և ԱՄՆ-ի հասցեական հայտրարությունն ու պարտադրանքն էր, որ Ադրբեջանը ստիպված եղավ վերադարձնել նրանց։ Ինչ վերաբերում է պատժամիջոցներին, թեման ավելի պետք է հասունանա, Ադրբեջանը մեկ-երկու անգամ պիտի մերժի հասցեական առաջարկները, հետո նոր կարժանանա դրանց։ Կարծում եմ՝ ուշ թե շուտ արժանանալու է։

Հարցազրույցն ամբողջությամբ՝ տեսանյութում։

Թամարա Հակոբյան