15.12.2025 | 21:51
Ռուսաստանում Pussy Riot խումբը հայտարարվել է «ծայրահեղական կազմակերպություն»
«Մի շահարկեք մարդկանց անունները, հանգստացեք». լեզվակռիվ՝ Քրիստինե Վարդանյանի ու Ալեն Սիմոնյանի միջև․ ՏԵՍԱՆՅՈՒԹ
Քաղաքականություն
23.12.2022 | 13:57
«Արցախն արդեն 11 օր է՝ շրջափակման մեջ է։ Ու այս իշխանության ներկայացուցիչները փոխանակ այդ խնդիրը լուծելու, եկել են այստեղ Դաշնակցությանը մեղադրում են 2013թ․ սպանություն չբացահայտելու և սպանությունը կազմակերպողներին չգնդակահարելու մեջ»,- ԱԺ-ում իր ելույթն այսօր այսպես սկսեց «Հայաստան» խմբակցությունից Քրիստինե Վարդանյանը։
«Հերիք չի 4 տարի իշխանության են ու ոչ մի առաջընթաց չկա իրենց կողմից հիշատակված 2013-ին Պռոշյանի գյուղապետ Հրաչ Մուրադյանի սպանության գործով, որին մենք անընդհատ հետապնդում ենք, նաև Հրաչ Մուրադյանի ընտանիքի միակ խնամակալ որդուն՝ Գևորգ Մուրադյանին 3 ամիս ապօրինի զրկել են ազատությունից և փորձել են կանչել եռամսյա հավաքներին։
Հուսով եմ չեք այցելել Փաշինյանի շարասյան վրաերթի զոհ դարձած Սոնա Մնացականյանի ընտանիքին և նրա հորը խորհուրդ տվել բացահայտել սպանությունը կատարողին կամ գնդակահարել սպանությունը կազմակերպողին»,- նշեց Վարդանյանը։
ԱԺ նախագահ Ալեն Սիմոնյանն արձագանքեց․ «Խնդրում եմ մի՛ շահարկեք մարդկանց անուններ: Երկրորդն էլ, եթե այդքան ուզում եք գնալ, գնացե՛ք Պողոս Պողոսյանի բարեկամներին ասեք և փորձեք հասկանալ, թե ով է հրաման տվել սպանել այդ մարդուն՝ «պրիվետ, Ռոբ» ասելու համար»։
Ալեն Սիմոնյանը կոչ արեց խոսելուց առաջ հիշել անցյալը՝ հավելելով․ «Այնքան բան կա ասելու, որ կարող է մի նիստ չհերիքի»։
Մանրամասները՝ տեսանյութում։
