16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
Պուտինը պատերազմում ձախողումների պատասխանատվությունը գցում է ուրիշների վրա․ISW
Քաղաքականություն
23.12.2022 | 12:45
Պատերազմի ուսումնասիրման ամերիկյան ինստիտուտը (ISW) հերթական ամփոփագրում նշում է, որ ՌԴ նախագահ Վլադիմիր Պուտինը վերջին հրապարակային ելույթներում կրկին փորձել է պատերազմում ձախողումների պատասխանատվությունը գցել ուրիշների վրա, գրում է BBC-ի ռուսական ծառայությունը։
ISW-ի վերլուծաբանները հիշեցնում են, որ Պուտինը վերջերս մի քանի հայտարարություն է արել, թե, իբր,Ռուսաստանը ցանկանում է որքան հնարավոր է շուտ ավարտել պատերազմը, իսկ մյուս կողմից՝ չի ցանկանում սաստկացնել ռազմական գործողությունները՝ զոհերի թիվը չավելացնելու համար։
«Այդ երկու պնդումները Կրեմլի համակարգված արշավի մասն են՝ արդարացնելու Պուտինի թանկարժեք պատերազմը ներքին լսարանի աչքում, որը գնալով ավելի լուրջ զոհաբերություններ է անում Կրեմլի անիրատեսական նպատակների իրագործման համար: Ռուս զինվորականները նշանակալի հաղթանակներ չեն գրանցել հուլիսի 3-ից՝ Լիսիչանսկի անկումից ի վեր»,-գրում է ISW-ն։
Ինստիտուտի վերլուծաբանները կարծում են, որ նրանցից մեկը, ում Պուտինը մեղադրում է ձախողումների մեջ, Գլխավոր շտաբի պետ Վալերի Գերասիմովն է, որը երկար ընդմիջումից հետո նախօրեին առաջին անգամ հայտնվել էր էկրաններին։ Գերասիմովը հանդես էր եկել օտարերկրյա զինվորական կցորդների առաջ և առաջ քաշել պատերազմի նույն հիմնավորումները, որոնք չեն համապատասխանում իրականությանը։
«Կրեմլը ձեռնպահ էր մնում Գերասիմովին հանրությանը ներկայացնել գրեթե տասը ամիս՝ մինչև դեկտեմբերի 17-ը, և այժմ, երբ լրանում է պատերազմի մեկնարկի 1 տարին, հավանաբար փորձում է կրկին նրան հանրային տիրույթ բերել որպես պատերազմի համար պատասխանատու հերթական գործչի»,-կարծում են վերլուծաբանները։
Էմմա Չոբանյան
