16.09.2026 | 10:23
Դատախազությունը պահանջում է Ոսկեվանի նախկին մանկապարտեզի շենքը վերադարձնել համայնքին
Երկուշաբթի օրվանից ամեն օր «լայվ» չեմ դուրս գա․ Ռուբեն Վարդանյան․ ՏԵՍԱՆՅՈՒԹ
23.12.2022 | 11:16
«Շնորհակալության խոսք եմ ուզում ասել ձեզ բոլորիդ, ովքեր ամեն ինչ փորձում են անել խնդիրը լուծելու համար»: Այսօր ֆեյսբուքյան էջի ուղիղ եթերում իր տեսաուղերձն այսպես սկսեց Արցախի պետնախարար Ռուբեն Վարդանյանը։
Պետնախարարը նշեց, որ իրենք ամեն ինչ արել են և անում են. «Հասկանում ենք մեր հնարավորությունները, իրավիճակը։ Իրավիճակը շատ բարդ է, 264 ժամ շարունակվում է բլոկադան, և ամեն ժամը ավելացնում է մարդկանց և՛ անհանգստությունը, և՛ մտահոգությունը, թե որն է ելքը այս իրավիճակից։ Մենք ամեն ինչ կամաց-կամաց գցում ենք հունի մեջ և այն նպատակը, որ դրել ենք կիրակի օրվա հետ կապված, մենք կիրականացնենք»,-նշեց Վարդանյանը՝ չհստակեցենլով, թե ինչ նպատակի մասին է խոսքը։
«Չնայած ամեն ինչին, մենք հաղաթահարելու ենք այս դժվարությունները», – ասաց Արցախի պետնախարարը՝ շեշտելով․ – «Հաղթահարելու ենք, որովհետև ոչ թե ինչ-որ մեկը մեզ օգնելու է, այլ որովհետև մենք մեր մեջ էդ ուժն ունենք»։
Վարդանյանը նաև հայտնեց, որ ստեղծվել է օպերատիվ շտաբի լրատվական կենտորն, որը կհայտնի ճշգրիտ տեղեկություններ․ «Երկուշաբթի օրվանից ես ամեն օր «լայվ» չեմ դուրս գա»։
Մանրամասները՝ տեսանյութում։
