14.12.2024 | 16:44
Անդրանիկ Հովհաննիսյանն իր հավատարմագրերն է հանձնել Վիեննայում ՄԱԿ-ի գրասենյակի գլխավոր տնօրենին
«Վերականգնել Լաչինի միջանցքով ազատ տեղաշարժը»․ Սպիտակ տունը՝ Արմեն Գրիգորյանի և Հիքմեթ Հաջիևի հետ Սալիվանի զրույցի մասին
Քաղաքականություն
23.12.2022 | 11:29
ԱՄՆ նախագահի Ազգային անվտանգության հարցերով խորհրդական Ջեյք Սալիվանն հեռախոսազրույցներ է ունեցել ՀՀ Անվտանգության խորհրդի քարտուղար Արմեն Գրիգորյանի ու Ադրբեջանի նախագահի աշխատակազմի միջազգային հարաբերությունների բաժնի ղեկավար Հիքմեթ Հաջիևի հետ, ասվում է Սպիտակ տան տարածած հաղորդագրության մեջ։
Նշվում է, որ հեռախոսազանգերում նրանք ամփոփել են սեպտեմբերի 27-ին Վաշինգտոնում կայացած իրենց համատեղ հանդիպումից հետո ԵՄ-ի և ԱՄՆ-ի աջակցությամբ իրականացվող խաղաղ բանակցություններում ձեռք բերված առաջընթացը: Բոլորը հաստատել են իրենց հանձնառությունը բանակցություններին՝ նպատակ ունենալով վերջնականացնել խաղաղության համաձայնագիրը։
«Պարոն Սալիվանը հորդորել է երկու կողմերին դիտարկել քայլեր, որոնք կթուլացնեն լարվածությունը և ապագայում կծառայեն որպես բարիդրացիական հարաբերությունների հիմք։ Պարոն Սալիվանը նշել է մեր շարունակական մտահոգությունը Լաչինի միջանցք մուտքի խոչընդոտների և այդ իրավիճակի աճող մարդասիրական հետևանքների վերաբերյալ և կոչ արել վերականգնել միջանցքով ազատ տեղաշարժը»,-ասվում է հաղորդագրության մեջ։
Էմմա Չոբանյան
