07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Լավրովն ու Բայրամովը վաղը Մոսկվայում բանակցություններ կանցկացնեն
Քաղաքականություն
22.12.2022 | 19:52
ՌԴ ԱԳ նախարար Սերգեյ Լավրովը վաղը՝ դեկտեմբերի 23-ին, Մոսկվայում բանակցություններ կանցկացնի Ադրբեջանի ԱԳ նախարար Ջեյհուն Բայրամովի հետ։ Այս մասին ՏԱՍՍ-ին հայտնել են ՌԴ ԱԳՆ-ից։
«Դեկտեմբերի 23-ին Մոսկվայում բանակցություններ կանցկացվեն Ռուսաստանի Դաշնության և Ադրբեջանի արտաքին գործերի նախարարներ Սերգեյ Լավրովի և Ջեյհուն Բայրամովի միջև»,- հայտնել են դիվանագիտական գերատեսչությունից։
Հիշեցնենք, որ այսօր ավելի տեղի ունեցած Լավրով-Բայրամով հեռախոսազրույցում նշվել էր, որ դեկտեմբերի 23-ին Մոսկվայում նախատեսված էր Հայաստանի, ՌԴ-ի և Ադրբեջանի ԱԳ նախարարների հանդիպում, սակայն Երևանը հրաժարվել է մասնակցել դրան։
ՀՀ ԱԳՆ-ն արձագանքել է այս հայտարարությանը՝ տեղեկացնելով, որ հայկական կողմը խնդրել է հետաձգել Հայաստանի, Ռուսաստանի և Ադրբեջանի ԱԳ նախարարների հանդիպումը։ Հայաստանի ԱԳՆ խոսնակ Վահան Հունանյանը նշել էր, որ այս պահին Հայաստանի ԱԳ նախարարի առաջնահերթությունը Լաչինի միջանցքի անխոչընդոտ վերագործարկման և Լեռնային Ղարաբաղում հումանիտար ճգնաժամի արդյունքում ստեղծված խնդիրների հասցեագրումն է։
Էմմա Չոբանյան
