Զգուշացե՛ք. ԱԱԾ-ն վարչապետի, կաթողիկոսի, ԱԺ նախագահի համար երթևեկության նոր կանոններ է առաջարկում․ ՏԵՍԱՆՅՈւԹ

Լուրեր

20.11.2026 | 18:30
«Իմ առաջարկից հետո մի շարք ՀԿ-ներ Ձեր հրաժարականն էին պահանջում»․ Ֆարմանյանը՝ փոխնախարարին․ ՏԵՍԱՆՅՈՒԹ
20.11.2026 | 18:29
Շվեդիան վիզա չի տրամադրի ռուս մարզիկներին
20.11.2026 | 18:19
Բանակից ազատելու դեպքերն ուսումնասիրեք 2018-ից հետո. Էդգար Ղազարյան․ ՏԵՍԱՆՅՈՒԹ
20.11.2026 | 18:15
Թույլ չենք տալու Հայաստանը տանել-մտցնել այլ պետության կազմ․ Ռուբինյանը՝ ընդդիմությանը․ ՏԵՍԱՆՅՈՒԹ
20.11.2026 | 18:10
Սամվել Կարապետյանը՝ Փաշինյանի առաջարկի մասին // Սամվել Մկրտչյանը՝ ՌԴ-ում ՀՀ նոր դեսպան․ ԼՈՒՐԵՐ
20.11.2026 | 18:07
Ինքնիշխանությունը կիսատ քարտեզը կրծքին փակցնելը չէ. Մարիաննա Ղահրամանյան․ ՏԵՍԱՆՅՈՒԹ
20.11.2026 | 18:01
Նոյեմբերի 29-ի ՏԻՄ ընտրությունների 66 տեղամասային կենտրոնում սանհանգույց չկա, 29-ի դեպքում տվյալները բացակայում են․ ՀՔԱՎ
20.11.2026 | 17:53
Պուտինի, Թրամփի և Սի Ցզինպինի ընդունած «խաղաղության հռչակագրում» Ուկրաինային վերաբերող կետ է եղել, որն ԱՄՆ-ի խնդրանքով հանվել է․ Ստուբ
20.11.2026 | 17:50
Եթե այս օրենքն էլ ընդունվի, ամեն տարի առնվազն մոտ 100 քաղաքացի ազատվելու է ծառայությունից. Մանուկյան․ ՏԵՍԱՆՅՈՒԹ
20.11.2026 | 17:45
Դատարանը մերժել է Վարդան Ղուկասյանից 400 քմ հողատարածքը պետությանը վերադարձնելու Դատախազության հայցը
20.11.2026 | 17:37
Լեհաստանի իշխանությունները հայտնել են երկրի տարածքում ռուսական երկու հրթիռի և մեկ ԱԹՍ-ի ընկնելու մասին
20.11.2026 | 17:30
«Ստնտուկ»-ի որոնումների ռեկորդ՝ Google-ում․ որտեղից ծնվեց հայերենում գոյություն չունեցող բառը․ ՏԵՍԱՆՅՈՒԹ
20.11.2026 | 17:22
MLS-ի ամենաբարձր վարձատրվող ֆուտբոլիստները
20.11.2026 | 17:10
Այսօրվանից մինչև փետրվարի 1-ը Սևանա լճում արգելվում է ձկնորսությունը․ պարեկները ուժեղացված հսկողություն կիրականացնեն
20.11.2026 | 16:58
Իրանից Հայաստան եկած երկու բեռնատարում հայտնաբերվել է ավելի քան 247 հազար տուփ չհայտարարագրված ծխախոտ․ բյուջե չի վճարվել 96 մլն դրամի հարկ
Բոլորը

Զգուշացիր ավտոմեքենայից․ հատկապես՝ Հայաստանի բարձրաստիճան պաշտոնյաներին սպասարկող մեքենաներից։ ԱԱԾ-ն որոշել է նրանց անսահմանափակ արագությամբ երթևեկելու հնարավորություն տալ։

ԱԱԾ-ն շրջանառության մեջ է դրել Կառավարության որոշման նախագիծ, որով առաջարկվում է ՀՀ վարչապետին, նախագահին, ԱԺ նախագահին, Կաթողիկոսին, որոշ դեպքերում՝ նաև պաշտոնաթող նախագահին ու վարչապետին սպասարկող և ուղեկցող ծառայողական մեքենաներին թույլատրել անսահմանափակ գերազանցել սահմանված արագությունը, եթե նրանց կյանքին վտանգ է սպառնում։

Ուշագրավ է, որ ԱԱԾ-ն այս նախագիծը հանրային քննարկման է ներկայացնում Երևանի Լեո-Պարոնյան փողոցների խաչմերուկում տեղի ունեցած ողբերգական պատահարից ընդամենը մի քանի ամիս անց։ Հիշեցնենք՝ վարչապետին ուղեկցող ավտոշարասյունը վրաերթի ենթարկեց երիտասարդ հղի կնոջ։ Կինն ու դեռ չծնված երեխան մահացան, այս սարսափելի դեպքի առնչությամբ որևէ մեկը պատասխանատվություն առայժմ չի կրել, գործն այս պահին դատարանում է։

«Վարորդի ընկեր» ՀԿ համահիմնադիր Տիգրան Քեյանը բարձրաստիճան պաշտոնյաներին սպասարկող ավտոմեքենաներին անսահմանափակ արագությամբ երթևեկելու հնարավորություն տալը ռիսկային է համարում։

Ըստ Վիճակագրական կոմիտեի զեկույցի՝ 2022 թվականի հունվար-հոկտեմբեր ժամանակահատվածում Հայաստանում ՃՏՊ-ի հետևանքով 153 մարդ է մահացել։ Տիգրան Քեյանի խոսքով՝ մահերի հիմնական պատճառն արագության գերազանցումն է։

Նիկոլ Փաշինյանի թիմակից պատգամավոր, ՃՈ պետի նախկին տեղակալ Արմեն Խաչատրյանն այս փոփոխությունը ոչ թե արագության գերազանցման հնարավորություն է համարում, այլ նշում է՝ պաշտոնյաների մեքենաներն անսահմանափակ արագությամբ կարող են երթևեկել միայն այն դեպքում, եթե նրանց կյանքին վտանգ է սպառնում։ Սակայն նախագծում նաև նշված է, որ գերազանցումը վերաբերում է բնակավայրերում 100, իսկ բնակավայրերից դուրս՝ 120 կմ/ժամ սահմանված արագությանը։

Իշխանական պատգամավորը դեռ պարզաբանում չունի, թե ինչու է այսպիսի փոփոխություն իրականացվում, երբ, ինչպես Արմեն Խաչատրյանն է նշում, առկա օրենսդրությամբ էլ վարչապետն ու մյուս բարձրաստիճան պաշտոնյաները կարող են չհետևել երթևեկության կանոններին։

«Վարորդի ընկեր» ՀԿ ղեկավար Տիգրան Քեյանի խոսքով՝ այս փոփոխությունն անհասկանալի է։

Նիկոլ Փաշինյանի ավտոշարասյունը 2018-2019 թվականներին «կարմիր լույսի» տակ կանգնում էր, քաղաքացիներն էլ ոգևորված նկարահանում ու հրապարակում էին։ Հիմա նման նյութերի սոցցանցերում չես հանդիպի, քանի որ այդպիսի տեսարաններ պարզապես այլևս չկան։ ՔՊ-ական պատգամավորն ասում է՝ վարչապետն ի՞նչ մեղք ունի, երբ ԱԱԾ-ն չի թողնում։

Վարչապետի, նախագահի և ԱԺ նախագահի ծառայողական մեքենաներին անսահմանափակ արագությամբ սլանալու իրավունք տվող որոշման նախագիծը հանրային քննարկման համար բաց է մինչև 2023 թվականի հունվարի 5-ը, այնուհետ այն կընդգրկվի Կառավարության օրակարգ, իսկ ընդունվելու դեպքում՝ ուժի մեջ կմտնի հաջորդ օրվանից։

Մանրամասները՝ տեսանյութում։

Նարեկ Կիրակոսյան