20.04.2026 | 18:14
Ռյուտեն Անկարա է մեկնում
Լաչինի միջանցքը պետք է ապաշրջափակվի, նաև պետք է կարգավորվեն տարածաշրջանի հանքավայրերի շահագործման շուրջ տարաձայնությունները․ Զախարովա
Քաղաքականություն
22.12.2022 | 15:42
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Լաչինի միջանցքը պետք է ապաշրջափակվի, ինչպես նաև պետք է կարգավորվեն տարածաշրջանի հանքավայրերի շահագործման հարցի շուրջ տարաձայնությունները։ Այս մասին նա հայտարարել է իր ամենշաբաթյա ճեպազրույցի ժամանակ։
«Լաչինի միջանցքը պետք է ապաշրջափակվի։ Պետք է կարգավորվեն տարածաշրջանի հանքավայրերի շահագործման հարցի շուրջ տարաձայնությունները։ ՌԴ ՊՆ-ն և ռուս խաղաղապահները շարունակում են աշխատել իրավիճակի ապաէսկալացման ուղղությամբ։ Նրանց ջանքերի շնորհիվ վերականգնվել է գազի մատակարարումը, վերականգվել է հումանիտար նշանակության ավտոմեքենաների, այդ թվում՝ շտապօգնության մեքենաների տեղաշարժը։ Մենք հուսով ենք, որ իրավիճակը մոտ ապագայում կկարգավորվի։ Կողմերին կոչ ենք անում խստորեն հետևել իրենց ստանձնած պարտավորությունները՝ համաձայն առաջնորդների հայտարարության»,- հայտարարել է Զախարովան։
Անդրադառնալով հարցին, թե ինչո՞ւ պետք է Ադրբեջանի կողմի մի կոպիտ խախտումը, ինչպիսին է Լաչինի միջանցքով տեղաշարժի արգելափակումը, մեկ այլ կոպիտ խախտումով վերացվի ու ապահովվի ադրբեջանցի, այսպես կոչված, «բնապահպան փորձագետների» մուտքը ԼՂ հանքավայրեր, ինչն ամրագրված չէ ոչ մի պայմանավորվածությունում, Զախարովան պատասխանել է․ «Քանի որ այդպես են կարծում փորձագետները է։ Ես դրան ավելացնելու բան չունեմ»։
Տաթև Ֆռանգյան
