26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Եվրատեսի՞լն է պատճառը․ Սանոսյանը՝ Լաչինի միջանցքը փակ լինելու մասին․ ՏԵՍԱՆՅՈՒԹ
Քաղաքականություն
22.12.2022 | 13:18
Ստեղծված իրավիճակից որևէ մեկը գոհ չէ։ Դատապարտում ենք և որոշակի քայլեր ենք անում։ Անդրադառնալով Արցախի շրջափակմանը՝ այս մասին Կառավարության նիստից հետո լրագրողների հետ զրույցում հայտնեց Տարածքային կառավարման և ենթակառուցվածքների նախարար Գնել Սանոսյանը։
«Կարծում ենք, որ այդ քայլերի և միջազգային ճնշման արդյունքն էր, որ գազատարը բացվեց»,- հայտնեց նախարարը։
Սանոսյանը հավելեց, որ աշխատանքներ են արվում, որի մասին վարչապետը բարձրաձայնեց կառավարության նիստում։ Նա հավելեց, որ հայկական կողմը շարունակում է պնդել, որ տարածաշրջանում պետք է խաղաղություն հաստատվի․ «Խաղաղության օրակարգից բացի որևէ մեկն ի՞նչ այլ օրակարգ է առաջարկել»։
Հարցին, թե ի՞նչ պահանջներ են քննարկվում Բաքվի կողմից, նախարարն ասաց, որ այդ հարցին ԱԳՆ-ն կպատասխանի։
Մեկ այլ հարցի, թե արցախահայերի աչքերին ո՞նց են նայելու՝ Սանոսյանը պատասխանեց․ «Մենք այդ մարդկանց աչքերի մեջ նայում ենք, շփվում ենք, աջակցում ենք»։
Անդրադառնալով դիտարկմանը, թե մինչդեռ Հայաստանում Եվրատեսիլ էինք անում, ադրբեջանցիներն արցախցիների ճանապարհն էին փակում, Սանոսյանն արձագանքեց․ «Եվրատեսի՞լն է պատճառը, որ Լաչինի միջանցքը փակել են»։
Մանրամասները՝ տեսանյութում։
