17.02.2026 | 17:51
Կաթողիկոսի եղբոր գործով դատական նիստին տեսանյութ հրապարակվեց․ ՏԵՍԱՆՅՈՒԹ
ՔՊ վարչությունում փոխվարչապետի և նախարարի ազատման հարցը չի քննարկվել. Փամբուխչյան. ՏԵՍԱՆՅՈՒԹ
Քաղաքականություն
22.12.2022 | 12:57
Լաչինի միջանցքը շարունակում է ամբողջությամբ փակ մնալ։ Գորիսում մնացած քաղաքացիներին պատշաճ կերպով ցուցաբերվում է օգնություն։ Կառավարության նիստից հետո լրագրողների հետ զրույցում այս մասին նշեց ՀՀ արտակարգ իրավիճակների նախարար Արմեն Փամբուխչյանը։
Նախարարն ընդգծեց, որ Լաչինի միջանցքը բացելու համար Ադրբեջանի կողմից Հայաստանի իշխանության առաջ որևէ պահանջ չի դրվել։
«Մենք այս գործընթացին միջազգային մեծ հնչեղություն ենք տվել ու հետևողականորեն գնալու ենք նրան, որ Ադրբեջանը բացի Լաչինի միջանցքը, և 120 հազար մեր հայրենակիցները դուրս գան շրջափակումից», – նշեց նախարարը։
Նա հավելեց, որ Լաչինի միջանցքում Արցախի ներքին գործերի նախարարության հերթապահող անցակետեր կան։
Փամբուխչյանը վստահեցրեց՝ ամենօրյա ռեժիմով կապի մեջ է Արցախի գործընկերոջ հետ։
Անդրադառնալով կադրային փոփոխություններին և հարցին, թե ինչու փոխվարչապետն ու ԿԳՄՍ նախարարը վերջերս ազատվեցին աշխատանքից, արդյո՞ք նրանց ազատման հարցը քննարկվել է ՔՊ վարչությունում՝ Փամբուխչյանը պատասխանեց․ «Ես տեղյակ չեմ, թե ինչու են ազատվել պաշտոնից։ Կարծում եմ, որ վարչապետը լիազորություններ ունի աշխատանքի նշանակելու և ազատելու։ Առհասարակ պաշտոնյաների փոփոխություններ լինում են։ Իսկ ՔՊ վարչությունում այդ հարցը չի քննարկվել, այնտեղ հիմնականում կուսակցության գործունեության վերաբերյալ հարցեր են քննարկվում»։
Մանրամասները՝ տեսանյութում։
