28.06.2026 | 11:58
Հետվճարի տեսքով վերադարձվել է 30 միլիարդ դրամ․ կառավարությունը՝ կենսաթոշակների մասին
ԵՄ-ն ցանկանում է Երուսաղեմը տեսնել երկու երկրների մայրաքաղաք․ Մոգերինի
Քաղաքականություն
11.06.2018 | 12:45
ԵՄ դիվանագիտության ղեկավար Ֆեդերիկա Մոգերինին Հորդանան այցի ժամանակ շարունակել է պնդել երկու համագոյակցող պետությունների միջոցով մերձավորարևելյան ճգնաժամը լուծելու շուրջ: Այս մասին Մոգերինին հայտարարել է Ամանում Հորդանանի արտաքին գործերի նախարար Այման էլ Սաֆադիի մասնակցությամբ մամուլի ասուլիսի ժամանակ. փոխանցում է news.ua-ն:
«Դուք գիտեք մեր դիրքորոշումը. մենք կցանկանայինք Երուսաղեմը տեսնել միաժամանակ երկու պետությունների՝ Իսրայելի և Պաղեստինի մայրաքաղաք»,- ասել է նա, ապա հավելել. «Մենք կարծում ենք, որ Մերձավոր Արևելքում հակամարտության միակ իրատեսական լուծումը երկու պետությունների համագոյակցումն է»։
Նա վստահեցրել է, որ Եվրամիությունը շարունակում է աշխատել այդ նպատակին հասնելու համար՝ առանց իր մոտեցումը փոխելու, ինչպես նաև ապահովելու համար այն, որ ՄԱԿ-ի մերձավորարևելյան գործակալությունը՝ պաղեստինցի փախստականների օգնության և աշխատանքների կազմակերպման համար անհրաժեշտ միջոցներ ստանա։
