30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Պատգամավորներն Ամանորին ընդառաջ պարգևավճար կստանան
Քաղաքականություն
21.12.2022 | 22:50
Ազգային ժողովի նախագահ Ալեն Սիմոնյանը պատգամավորներին և խորհրդարանի աշխատակազմին պարգևավճար տրամադրելու մասին կարգադրություն է ստորագրել։
Կարգադրությունը հրապարակվել է ԱԺ պաշտոնական կայքում։
Ուշագրավ է, որ իշխանության ներկայացուցիչների համար զսպող հանգամանք չի եղել անգամ Արցախի շուրջ ստեղծված իրավիճակը։ Այս օրերին, երբ հարյուրավոր երեխաներ բաժանված են իրենց ծնողներից, 1100 արցախցի չի կարողանում վերադառնալ ընտանիք, երբ հայտարարվում է Արցախում առկա առաջին անհրաժեշտության ապրանքերի, այդ թվում՝ հացամթերքի, դեղորայքի, վառելանյութի, միրգ-բանաջարեղենի դեֆիցիտի մասին, ՔՊ-ականները որոշել են տոներից առաջ իրենց պարգևավճար բաժանել։
Նշենք, որ ԱԺ աշխատակազմը երբեք չի հրապարակել և չի հրապարակում պարգևավճարներ տրամադրելու կարգադրությանը կից հավելվածները, որպեսզի ՀՀ քաղաքացիների համար բաց և թափանցիկ լինի, թե պետական բյուջեից որքան պարգևատրումներ են ստանում օրենսդիր մարմնի ներկայացուցիչները։
Նարեկ Կիրակոսյան
