16.06.2026 | 10:00
Նիկոլ Փաշինյանն ԱԺ-ում մասնակցում է 2025 թվականի բյուջեի կատարողականի քննարկմանը. ՈՒՂԻՂ
Գյումրու դպրոցի կալանավորված տնօրենը պետությանը պատճառել է ավելի քան 11 մլն դրամի վնաս
Հասարակություն
11.06.2018 | 12:32
Կալանավորվել է Գյումրու թիվ 40 դպրոցի տնօրեն Արսեն Ալեքսանյանը։ Այս մասին Factor.am-ի հետ զրույցում ասաց ՀՀ գլխավոր դատախազության հանրային կապերի բաժնի պետ Արևիկ Խաչատրյանը:
«Մայիսի 5-ին Ասեն Ալեքսանյանի նկատմամբ քրեական գործ էր հարուցվել՝ ՀՀ Քրեական օրենսգրքի 314 հոդվածի 1-ի մասի և 178 հոդվածի 3-րդ մասի 1-ին կետի հատկանիշներով՝ նրա կողմից ենթադրյալ պաշտոնական կեղծիք կատարելու, ինչպես նաև նրա ու մի խումբ այլ անձանց կողմից առանձնապես խոշոր չափերով, խարդախության եղանակով գումար հափշտակելու վերաբերյալ։Արսեն Ալեքսանյանին մեղադրանք է առաջադրվել, նա կալանավորվել է»,- ասաց Արևիկ Խաչատրյանը։
Քրեական գործի նախաքննությամբ ձեռք բերված տվյալների համաձայն՝ պետությանը պատճառված վնասը կազմում է 11 միլիոն 315 հազար 949 ՀՀ դրամ։
Նշենք, որ 2018 թվականի ապրիլի 20-ին Գյումրի քաղաքի մի բնակչուհի դիմում է հասցեագրել Շիրակի մարզի դատախազին, որում առերևույթ հանցագործության հատկանիշներ պարունակող տեղեկություններ է ներկայացրել «Գյումրու թիվ 40 հիմնական դպրոց» ՊՈԱԿ-ում կատարվող չարաշահումների և յուրացումների վերաբերյալ:
