07.08.2026 | 18:26
573 վարույթ, այդ թվում՝ պետական դավաճանության և լրտեսության դեպքեր. ԱԱԾ-ի կիսամյակային հաշվետվությունը
«Արհեստակցական միությունների մասին» օրենքում առաջարկվող փոփոխությունները հակասում են ՀՀ ստանձնած միջազգային պարտավորություններին․ ՀՔԱՎ
Հասարակություն
21.12.2022 | 18:48
ՀՀ աշխատանքի և սոցիալական հարցերի նախարարությունը մշակել և հանրային քննարկման է դրել «Արհեստակցական միությունների մասին» օրենքում փոփոխություններ և լրացումներ կատարելու մասին» ՀՀ օրենքի նախագիծը։ Ըստ նախագծի հիմնավորման՝ «առաջարկվող լուծումներով արհեստակցական միությունների գործունեությունը կարգավորող օրենսդրությունը կհամապատասխանեցվի նաև ՀՀ ստանձնած միջազգային պարտավորություններին»։
ՀՔԱ Վանաձորի գրասենյակը հայտնում է, որ Եվրոպական միության ֆինանսավորմամբ իրականացվող «Արժանապատիվ աշխատանք հիմա՛» ծրագրի շրջանակում դիտարկումներ և առաջարկ է ներկայացրել Նախագծի վերաբերյալ։
Ողջունելով արհեստակցական միությունների գործունեության արդյունավետությունը բարձրացնելուն ուղղված ջանքերն ու դրան առնչվող կարգավորումների համապատասխանեցումը միջազգային պարտավորություններով սահմանված պահանջներին՝ նշվում է, որ Նախագծի 6-րդ հոդվածով առաջարկվող կարգավորումը իրականում հակասում է ՀՀ ստանձնած միջազգային պարտավորություններին։
Առաջարկվող կարգավորման ուսումնասիրությունը ցույց է տալիս, որ դրա ընդունվելու դեպքում գործատուն այևս չի կրելու պարտականություն` արհեստակցական միության աշխատանքների կազմակերպման և կատարման համար արհեստակցական միությանն անհրաժեշտ պայմաններ տրամադրելու համար, ինչը գնահատում ենք խիստ խնդրահարույց և առաջարկում ենք Նախագծից հանել 6-րդ հոդվածը։
