09.09.2026 | 17:23
ԱՄՆ-ն չինական ընկերություններին մեղադրել է ամերիկյան արհեստական բանականության տեխնոլոգիաները պատճենելու մեջ
HRW-ն՝ Լաչինի միջանցքի փակման մասին. Վճռաբեկ դատարանը նոր դատավորներ ունի. Լուրեր
21.12.2022 | 18:25
- «Կարծում եմ՝ շատ հաջող նիստ էր, ըստ էության բոլոր երկրների ներկայացուցիչները ֆիքսեցին, որ Լաչինի միջանցքի ապօրինի արգելափակումը պետք է դադարի, և Ադրբեջանին կոչ արեցին հավատարիմ մնալ նոյեմբերի 9-ի հայտարարության այն դրույթին, ըստ որի՝ Լաչինի միջանցքը պետք է ապահովի անխափան կապ Հայաստանի և Արցախի միջև»,- ԱԺ-ում լրագրողների հետ զրույցում այս մասին նշեց ԱԺ փոխնախագահ Ռուբեն Ռուբինյանը՝ անդրադառնալով երեկ ՄԱԿ-ի ԱԽ-ում կայացած նիստին, որտեղ քննարկվեց Լաչինի միջանցքի հարցը:
- Լեռնային Ղարաբաղը Հայաստանի հետ կապող միակ ճանապարհն արգելափակված է 2022 թվականի դեկտեմբերի 12-ից՝ խաթարելով այնտեղ բնակվող տասնյակ հազարավոր էթնիկ հայերի համար առաջին անհրաժեշտության ապրանքների և ծառայությունների հասանելիությունը, գրում է Human Rights Watch միջազգային իրավապաշտպան կազմակերպությունը։
- Առողջապահության նախարար Անահիտ Ավանեսյանն այսօր Կարմիր խաչի միջազգային կոմիտեի պատվիրակության ղեկավար Թիերի Ռիբոյի հետ քննարկել է 2022 թվականի դեկտեմբերի 12-ից առայսօր Ադրբեջանի կողմից Լաչինի միջանցքում տեղաշարժի արգելափակման հետևանքով Արցախում առողջապահական ճգնաժամի վտանգները կանխելու հնարավորությունները:
Այս ժամի լուրերը՝ տեսանյութում։
