14.12.2024 | 19:57
Ինչ իրավիճակ է ճանապարհներին 19։35-ի դրությամբ
Շոյգուն առաջարկել է Ռուսաստանում բարձրացնել զորակոչային տարիքը
Քաղաքականություն
21.12.2022 | 19:40
Ռուսաստանի պաշտպանության նախարար Սերգեյ Շոյգուն առաջարկել է աստիճանաբար բարձրացնել զորակոչիկների տարիքը՝ բանակում ծառայություն անցնել 21-ից 30 տարեկան, այլ ոչ թե 18-ից 27, ինչպես հիմա է։ ՌԻԱ Նովոստիի փոխանցմամբ՝ այս մասին Շոյգուն հայտարարել է Պաշտպանության նախարարության կոլեգիայի նիստում՝ դիմելով ՌԴ նախագահ Վլադիմիր Պուտինին։
«Զինված ուժերը համալրելիս քաղաքացիների զորակոչի տարիքն աստիճանաբար 18-ից հասցնել 21-ի, իսկ տարիքային սահմանը հասցնել 30-ի»,- ասել է ՌԴ ՊՆ ղեկավարը։
Բացի այդ, նա առաջարկել է ժամկետային զինծառայողներին թույլատրել պայմանագիր կնքել ծառայության առաջին օրվանից։
Շոյգուն ցանկանում է ՌԴ զինված ուժերի թիվը հասցնել 1,5 միլիոնի, որպեսզի պայմանագրային զինծառայողների միջին թիվը լինի 695 հազար։
Շոյգուի ելույթից հետո Վլադիմիր Պուտինն ասել է, որ համաձայն է նրա նախաձեռնությունների հետ՝ առաջարկելով դրանք քննարկել փակ դռների հետևում։
Տաթև Ֆռանգյան
