27.06.2026 | 18:27
Կոշտ քաղաքական խոսույթը ատելության խոսք չէ ու չի կարող արդյունքներն անվավեր ճանաչելու հիմք լինել. Սրբուհի Գալյան․ ՏԵՍԱՆՅՈւԹ
Ադրբեջանի ԱԳՆ-ն «խորապես հիասթափված է» ՄԱԿ-ի ԱԽ-ում Լաչինի միջանցքի շուրջ քննարկմանը երկրների հայտնած դիրքորոշումից
Քաղաքականություն
21.12.2022 | 17:24
Լաչինի միջանցքը փակած Ադրբեջանի նախագահ Իլհամ Ալիևի ցուցարարներից հետո հիմա էլ Բաքվի ԱԳՆ-ն է արձագանքել ՄԱԿ-ի Անվտանգության խորհրդում տեղի ունեցած քննարկմանն ու միջանցքը բացելու՝ երկրների հնչեցրած կոչերին։
Ադրբեջանի ԱԳՆ-ում, մասնավորապես, նշել են, որ Արցախում հումանիտար ճգնաժամի մասին լուրերը կեղծ են։ Բաքուն շարունակում է պնդել, թե, իբր, Արցախը շրջափակման մեջ չէ։
«Խորապես հիասթափեցնող է, որ ՄԱԿ-ի Անվտանգության խորհրդի անդամ որոշ երկրներ չեն խուսափում կողմնակալ, միակողմանի դիրքորոշում ցուցաբերելուց։ Հատկապես մտահոգիչ է Ադրբեջանի տարածքի մի մասի ոչ ճիշտ հիշատակումը։ Ինչպես նշվել է քննարկումների ժամանակ՝ Ադրբեջանը մերժում է նման հղումները՝ որպես միջամտություն իր ներքին գործերին, ինչպես նաև աշխարհագրական անվանումների օգտագործման վերաբերյալ ՄԱԿ-ի համապատասխան պահանջների խախտում»,- ասվում է հայտարարության մեջ։
Բացի այդ, Ադրբեջանը, որը շարունակում է պարբերաբար սպառնալ ՀՀ տարածքային ամբողջականությանը, շրջափակել է Արցախն ու այնտեղ հումանիտար ճգնաժամ առաջացրել, խախտում է միջազգային իրավունքի նորմերը, կոչ է արել միջազգային հանրությանը համոզել Հայաստանին՝ պատասխանել Բաքվի առաջարկին, դադարեցնել, իբր, «քաղաքական ու ռազմական սադրանքները, ագրեսիվ հռետորաբանությունն ու գործողությունները՝ բոլոր հարցերին դիվանագիտական լուծում գտնելու համար»։
Հավելենք, որ արդեն 10 օր է՝ Ադրբեջանի իշխանություններն արգելափակել են Լաչինի միջանցքը։
Էմմա Չոբանյան
