06.10.2026 | 17:37
«Կողք կողքի» միջազգային ներառական փառատոնի մասնակիցները Ազատության հրապարակում հանդես են եկել անվանի արտիստների հետ
Արևմուտքի օգնության պրոցեսն ինչո՞ւ չի հասնում ավարտին․ ՌԴ-ից վախենո՞ւմ եք՝ ձեզ ահաբեկում են, հեռացե՛ք ուրեմն․ Գուրգեն Սիմոնյան. ՏԵՍԱՆՅՈՒԹ
Քաղաքականություն
21.12.2022 | 21:02
ՄԱԿ-ի Անվտանգության խորհրդի նիստում Ադրբեջանի քայլերը դատապարտած պետությունները պետք է ավելի կոնկրետ քայլերի գնան՝ Ալիևի ռեժիմի վրա ճնշումը շարունակելով։ Factor TV-ին տված հարցազրույցում քաղաքագետ Գուրգեն Սիմոնյանն այսպիսով դրական է գնահատում Անվտանգության խորհրդում ԱՄՆ-ի, Ֆրանսիայի և մի շարք այլ պետությունների գնահատականներն Ադրբեջանի սադրանքներին։
Գլոբալ այդ ուժերը, ըստ քաղաքագետի, փաստեցին, որ Ադրբեջանի գործելակերպը հանցագործ բնույթ ունի, բացի այդ՝ Ալիևը տապալում է բանակցային պրոցեսը։
«Մեզ միջանցքի փակումով շանտաժ են անում և վերջնագիր են ներկայացնում։ Եթե Ալիևը նույնիսկ բացի էլ Լաչինի միջանցքը, պիտի հույս չփայփայենք, որ դա հաստատուն է մնալու։ Նրանք փորձելու են ամեն կերպ թունավորել մեր կյանքը, փչացնել մեր տոները, և փորձելու են առևտուր անել։ Ես կարծում եմ, որ վաղ թե ուշ սադրելու են մեզ, և ստիպված ենք լինելու Լաչինը մեր վերահսկողության տակ առնել։ Այսինքն՝ կա՛մ առնելու ենք մեր վերահսկողության տակ, կա՛մ ցեղասպանություն է լինելու։ Այսօրվանից ՀՀ-ն պիտի վիճարկի Լաչինի միջանցքի պատկանելությունը»,- ասաց Գուրգեն Սիմոնյանը։
Քաղաքագետը կասկած չունի՝ այսօր ստեղծված պայմաններում, երբ ՌԴ-ն կողմնակալ դիրք է գրավել հօգուտ Ադրբեջանի, ՀՀ-ին չի մնում այլ ելք, քան խորքային գործակցության գնալ ԱՄՆ-ի հետ։ Ըստ նրա՝ ՀՀ-ում որոշում կայացնողները պետք է վճռական գտնվեն և կոնկրետ քայլերի գնան՝ մի կողմ դնելով ՌԴ-ից առկա վախերը։
«Արևմուտքից օգնելու առաջարկ կա, և ես զարմանում եմ՝ ՀՀ-ում այդ պրոցեսն ավարտին ինչո՞ւ չի հասնում։ Եթե ՌԴ-ից եք վախենում, ուրեմն իրավունք չունեք դիրք զբաղեցնել։ Վախեցողը դիրք զբաղեցնելու իրավունք չունի։ Եթե ձեզ ահաբեկում են, և վախենում եք, հեռացեք ուրեմն»,- հավելեց քաղաագետը։
Հարցազրույցն ամբողջությամբ՝ տեսանյութում։
Ռոբերտ Անանյան
