03.10.2026 | 22:08
Հայաստանի հավաքականը ժամանել է Պոդգորիցա
ՄԱԿ-ում ՌԴ-ի ելույթը գնահատում եմ բացասական. Ալեն Սիմոնյան․ ՏԵՍԱՆՅՈՒԹ
Քաղաքականություն
21.12.2022 | 14:01
«ՄԱԿ-ի ԱԽ նիստում Ռուսաստանի ներկայացուցչի ելույթը գնահատում եմ բացասական»,- խորհրդարանում այսօր լրագրողների հետ ճեպազրույցում նշեց ԱԺ նախագահ Ալեն Սիմոնյանը։
«Համարում եմ, որ դաշնակցի կողմից շատ ավելի հասցեական հայտարարություն կարող էր հնչել, ինչպես դա արեցին երկրներ, որոնք ընդհանրապես Հայաստանի հետ սերտ կապեր չունեն։
Կարծում եմ՝ ՌԴ-ն կա՛մ չի կարողանում, կա՛մ չի ուզում, կա՛մ միևնույն ժամանակ և՛ չի կարողանում, և՛ չի ուզում։
Համենայնդեպս ես զարմացած չեմ, այս վերջին իրադարձությունները ցույց էին տալիս, որ հնարավոր է՝ Ռուսաստանի կողմից նման արձագանք և նման ձևով հնչի գնահատականը»,- նշեց Սիմոնյանը։
ԱԺ նախագահի դիտարկմամբ՝ հնարավոր է դա հենց այն պատճառով է, որ ռուս խաղաղապահների պատասխանատվության գոտում է Լաչինի միջանցքը։ «Այսինքն՝ իրենք այդ ձևով ուզում են իրենց պատասխանատվությունը նվազեցնել»,- ասաց Ալեն Սիմոնյանը։
Մանրամասները՝ տեսանյութում։
