15.01.2025 | 10:01
Լարսը փակ է կցորդիչով բեռնատարների համար
Մասկը խոստացել է հեռանալ Twitter-ի գլխավոր տնօրենի պաշտոնից
Քաղաքականություն
21.12.2022 | 22:21
Twitter-ի սեփականատեր Իլոն Մասկը հայտարարել է, որ կհեռանա ընկերության գործադիր տնօրենի պաշտոնից, երբ գտնի իր իրավահաջորդին: Այս մասին նա հայտնել է թվիթերյան իր էջում գրառմամբ։
«Ես կհեռանամ գործադիր տնօրենի պաշտոնից, հենց որ գտնեմ ինչ-որ մի հիմար մեկին, ով կհամաձայնի զբաղվել այս գործով: Դրանից հետո ես պարզապես կղեկավարեմ ծրագրային և սերվերների ապահովման թիմերը»,- գրել է Մասկը:
Ավելի վաղ Մասկը կասկածի տակ էր դրել իր հարցման արդյունքներն այն մասին՝ արդյո՞ք նա պետք է հեռանա ընկերության գործադիր տնօրենի պաշտոնից։ Դեկտեմբերի 20-ին հրապարակված մի քանի թվիթում Մասկն ակնարկել է, որ, իր կարծիքով, բոտերը, հնարավոր է, խանգարել են քվեարկության գործընթացին։
Մասկը հարցումը սկսել էր անցկացնել դեկտեմբերի 19-ին։
«Արդյո՞ք պետք է հեռանամ Twitter-ի ղեկավարի պաշտոնից․ կկատարեմ այս հարցման արդյունքները»,- գրել էր գործարարը։
Արդյունքում Մասկի հեռանալուն կողմ է քվեարկել հարցվածների 57,5 տոկոսը, դեմ է արտահայտվել 42,5 տոկոսը։ Հարցմանը մասնակցել է 17,5 մլն օգտատեր։
Տաթև Ֆռանգյան
