30.10.2026 | 17:26
«Խաղաղության համաձայնագրի ստորագրման համար կարևոր է, որ ՀՀ-ն անհրաժեշտ քաղաքական և իրավական քայլեր ձեռնարկի»․ Բայրամով
Պատերազմի մեկնարկից Ուկրաինայում արգելափակված թուրքական ռազմական ինքնաթիռները վերադարձել են Թուրքիա
Քաղաքականություն
21.12.2022 | 17:15
Թուրքիայի Պաշտպանության նախարարությունը հայտարարել է, որ թուրքական երկու ռազմական բեռնատար ինքնաթիռները, որոնք մնացել էին Կիևի օդանավակայանում Ուկրաինա ռուսական ներխուժումից ի վեր, վերադարձել են Թուրքիա, գրում է Al Monitor-ը։
Նախարարությունից հայտնում են, որ երկու A400M բեռնատար ինքնաթիռները, որոնք արգելափակվել էին Կիևի «Բորիսպիլ» միջազգային օդանավակայանում, վերադարձել են Թուրքիայի կենտրոնական Անատոլիայի Կայսերի նահանգում գտնվող բազա։
«Մեր երկու A400M ինքնաթիռները,որոնք ժամանել են Ուկրաինայից, ապահով հասել են Կայսերիի բազա»,- ասվում է Թուրքիայի ՊՆ թվիթերյան գրառման մեջ։
Այս ինքնաթիռներն Ուկրաինա էին ժամանել փետրվարի 24-ի ներխուժումից մի քանի ժամ առաջ՝ հումանիտար օգնություն հասցնելու և Թուրքիայի քաղաքացիներին ու երկրի դիվանագիտական անձնակազմին տարհանելու նպատակով, սակայն այնտեղ արգելափակված էին մնացել ուկրաինական օդային տարածքի փակումից հետո:
Էմմա Չոբանյան
