16.09.2026 | 10:44
Եվրահանձնաժողովն իր զեկույցում անդրադարձել է Հայաստանին․ կլինի՞ ՀՀ-ն 2027թ-ի՝ ԵՄ-ի առաջնահերթություններում
Աֆղանստանում կանանց արգելել են սովորել համալսարանում
Քաղաքականություն
21.12.2022 | 12:45
Աֆղանստանում իշխող «Թալիբան» շարժումը հայտարարել է, որ աֆղան կանանց այլևս չի թույլատրվում սովորել համալսարաններում, գրում է BBC-ի ռուսական ծառայությունը։ Համալսարաններում կանանց մուտքի սահմանափակումն ուժի մեջ է մտնում անմիջապես և անժամկետ, ասվում է կրթության նախարարության հայտարարության մեջ։ Անցյալ տարի էլ թալիբները աղջիկներին արգելեցին հաճախել ավագ դպրոցներ։ Աֆղանստանի բուհերի ընդունելության քննությունները տեղի են ունեցել երեք ամիս առաջ, և քննություն հանձնողների թվում եղել են հազարավոր երիտասարդ կանայք: Ավելի վաղ խիստ սահմանափակումներ էին դրվել այն առարկաների և մասնագիտությունների վրա, որոնք կանայք կարող են սովորել․ անասնաբուժությունը, ճարտարագիտությունը, տնտեսագիտությունը և գյուղատնտեսությունը արգելված ոլորտներ էին կանանց համար:
Անցյալ տարի Աֆղանստանում իշխանությունը զավթած թալիբները համալսարանները ներդրել էին առանձնացված ուսուցում և առանձին մուտքեր՝ տղամարդկանց և կանանց համար: Միևնույն ժամանակ, միայն այլ կանայք կամ որոշակի տարիքից բարձր տղամարդիկ կարող էին դասավանդել կանանց: Կանանց արգելված է լողավազաններ և մարզասրահներ այցելել, նոյեմբերին էլ Քաբուլում կանանց արգելվել էր մուտք գործել քաղաքային այգիներ։ Թալիբները համարում են, որ նման գործողությունները խախտում են շարիաթի նորմերը։
Տաթև Ֆռանգյան
