25.11.2024 | 16:42
ՀՀ-ն չի մասնակցի նոյեմբերի 28-ին Աստանայում կայանալիք ՀԱՊԿ միջոցառումներին
Զելենսկին այցելել է Բախմուտ, որտեղ ամենաթեժ մարտերն են ընթանում
Քաղաքականություն
20.12.2022 | 17:24
Ուկրաինայի նախագահ Վլադիմիր Զելենսկին Դոնեցկի շրջանի Բախմուտ քաղաք է այցելել, որտեղ այժմ ամենաթեժ մարտերն են ընթանում։ Այս մասին հայտնել է նախագահի գրասենյակը, փոխանցում է BBC-ի ռուսական ծառայությունը։
Բախմուտը միջին մեծության քաղաք է Դոնեցկի մարզի հյուսիսում և կարևոր տրանսպորտային հանգույց: Այստեղով են անցնում Լիսիչանսկի և Սևերոդոնեցկի, Սևերսկի, Սլավյանսկի, Կրամատորսկի, Կոնստանտինովկայի, Գորլովկայի և Լուգանսկի ճանապարհները։
Այն դարձել է առաջնագիծ 2022 թվականի մայիսին, երբ ուկրաինական զորքերը նահանջեցին Պոպասնայից, իսկ ռուսական զորքերը հայացքն ուղղեցին Սլովյանսկին և Կրամատորսկին: Միաժամանակ, սկսվեցին Բախմուտի կանոնավոր գնդակոծությունները։ Քաղաքի 70.000 բնակիչների մեծ մասը փախել է, այստեղ հիմնականում ծերերն են մնացել։ Բախմուտում ջուր և լույս չկա, բազմաթիվ շենքեր ավերված են։
«Վլադիմիր Զելենսկին այցելել է Բախմուտում առաջնագիծ, պարգևատրել մարտիկներին գերազանցության նշաններով ու արժեքավոր նվերներով։ Նա Բախմուտից արդեն հեռացել է»,- հայտնել է Զելենսկիի պաշտոնական ներկայացուցիչ Սերգեյ Նիկիֆորովը։
Էմմա Չոբանյան
