16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
ՌԴ ՊՆ-ն հայտնում է, որ Շոյգուն ստուգել է ռուս զինվորականների «առաջապահ դիրքերը»․ իրականում նա ռազմաճակատից 80 կմ հեռու է եղել
Քաղաքականություն
20.12.2022 | 22:35
Ակտիվիստները վերլուծել են ՌԴ ՊՆ հաղորդագրությունը, որում ասվում է, որ նախարար Սերգեյ Շոյգուն ստուգել է Ուկրաինայում ռուսական ստորաբաժանումների առաջնային դիրքերը։ Նրանք եզրակացրել են, որ նախարարը ստուգում է ռուսական ամրությունները Ղրիմում։ Այս ամենին ուշադրություն է դարձրել «Ազատություն» ռադիոկայանը, գրում է Meduza-ն։
ՌԴ ՊՆ հաղորդագրության մեջ ասվում է, որ Շոյգուն «թռել է այն տարածքների վրայով, որտեղ տեղակայված են զորքերը և ստուգել ռուսական ստորաբաժանումների առաջապահ դիրքերը «հատուկ ռազմական գործողության» գոտում»։ ՊՆ-ն նաև տեսանյութ է հրապարակել, որում ներկայացված է, թե ինչպես է Շոյգուն դիտարկում պաշտպանական կառույցները ուղղաթիռի պատուհանից։
Twitter-ի օգտատեր @GlasnostGone-ը և GeoConfirmed նախագծի կամավորները վերլուծել են տեսանյութը և որոշել այն առարկաների գտնվելու վայրը, որոնք ընկել են շրջանակի մեջ։ Պարզվել է, որ խրամատները, որոնց վրայով թռել է Շոյգուն, գտնվում են Ղրիմի Արմյանսկ բնակավայրի շրջանում, այսինքն՝ ռազմաճակատից մոտ 80 կմ հեռավորության վրա։
Միաժամանակ, հայտնի չէ՝ Շոյգուն ռուսական զորքերի այլ դիրքեր ուսումնասիրե՞լ է, թե՞ ոչ։ ՊՆ հաղորդագրությունից ու հրապարակված տեսանյութից դա պարզ չէ։
Էմմա Չոբանյան
