17.05.2026 | 20:32
ՆԱՏՕ-ի ինքնաթիռները Լատվիայում օդ են բարձրացվել անօդաչու թռչող սարքի պատճառով
Ադրբեջանում զինծառայողներին ապօրինի շահագործում են բնակելիների շինարարական աշխատանքներում․ ՏԵՍԱՆՅՈՒԹ
Քաղաքականություն
20.12.2022 | 18:05
Ադրբեջանի բանակում տեղի ունեցող ապօրինությունների ու կոռուպցիայի մասին բացահայտումները շարունակվում են։ Մասնավորապես, ադրբեջանական ընդդիմադիր Meydan TV-ին հայտում է, որ զինվորները, որպես աշխատուժ օգտագործվում են Նախիջևան քաղաքի 2-րդ միկրոշրջանի Ալինջա թաղամասում։ Քաղաքացիները պատմում են, որ զինվորներին ներգրավում են բնակելի շենքերի շինարարական աշխատանքներում։ Լրատվամիջոցի հրապարակած տեսանյութը ցույց է տալիս, որ անվտանգության կանոնները չեն պահվում։ Ադրբեջանի ՊՆ-ն անպատասխան է թողել Meydan TV-ի հարցումն այս առնչությամբ։ Նշվում է, որ տեսանյութն արվել է մի քանի ամիս առաջ, բայց զինվորների ներգրավումը շինաշխատանքներում շարունակվում է առայսօր։
Հավելենք, որ օրերս էլ ադրբեջանցի ընդդիմադիր լրագրող Հաբիբ Մյունթեզիրը ֆեյսբուքյան իր էջում գրառում էր կատարել, որ բանակում զինծառայողներին ներգրավվում են հարկադիր աշխատանքներում։
«Նրանք գրպանում են նաև վերանորոգման համար հատկացված գումարը, որը պետք է տրվի աշխատողներին։ Անգամ որոշ զորամասերում նյութերի ու տեխնիկայի համար գումար են հավաքում զինվորներից, նրանց միջոցով էլ ընտանիքներից։ Զինվորները, որոնք չեն հանդուրժում դա, մահանում են հիվանդությունից և սրտի անբավարարությունից, իրականում սպանվում են։ Նրանք, ովքեր չեն մարսել այս շահագործումը և ունեն ծանր հոգեբանական վիճակ, կարող են ինքնասպանություն գործել։ Սանիտարական և հիգիենիկ վիճակը վատ է։ Խնդիրներ կան զինվորականների ձմեռային հագուստի հետ կապված, խնդիրներ կան նրանց մնալու և քնելու վայրերի հետ կապված՝ հիմնականում «օկուպացիայից ազատագրված տարածքներում» (խոսքն Արցախի գրավյալ տարածքների մասին է)։
Բացի այդ, հավաքագրում են զինվորական ծառայության համար ոչ պիտանի զինվորների»,-գրել էր լրագրողը՝ հավելելով, որ ավելի ուշ մանրամասներ է ներկայացնելու։
Էմմա Չոբանյան
