07.06.2026 | 09:03
Հայաստանն ընտրում է. մեկնարկել է խորհրդարանական ընտրությունների քվեարկությունը․ ԼՈՒՍԱՆԿԱՐՆԵՐ
Պահանջում ենք հանդիպում. զինվորների ծնողները մտան Դատախազություն․ ՏԵՍԱՆՅՈՒԹ
Հասարակություն
20.12.2022 | 12:18
«Հելսինկյան ասոցիացիա» իրավապաշտպան կազմակերպությունն այսօր Գլխավոր դատախազության շենքի դիմաց ասուլիս էր կազմակերպել «Ոչ մարտական պայմաններում մահացած (սպանված) զինծառայողների մահվան դեպքերի առթիվ հարուցված քրեական գործերի քննություններով արդյունքների բացակայության և ճշմարտության բացահայտմանը դատարան-դատախազություն-քննչական համակարգի խոչընդոտման մասին» թեմայով։
Ասոցիացիայի փաստաբան Արայիկ Պապիկյանն արձանագրեց, որ իրավապահ մարմիններն անգործության են մատնված, տարիներ շարունակ մահվան գործերի քնություններն արդյունավետ չեն եղել։ Դատախազներն ու քննիչները, այդ թվում՝ վերջերս ԲԴԽ անդամ ընտրված Հայկ Գրիգորյանը, որոնք ներգրավված են եղել գործերի քննության մեջ, կոծկել ու վերացրել են հանցագործության ապացույցները, ասաց Պապիկյանը։
Հիմա էլ դատախազները հետամուտ չեն լինում՝ պարզելու՝ արդյո՞ք քննիչները կատարել են ցուցումները։ «Սևազգեստ մայրերը» պահանջում էին հանդիպում գլխավոր դատախազ Աննա Վարդապետյանի հետ, որը քաջածանոթ է մահվան դեպքերի գործերին։ 3 անգամ ընդունելության դիմումներ են ներկայացրել գլխավոր դատախազին, բայց դրանք վերահասցեագրվել են Զինվորական դատախազություն։ Ասացին՝ էլ սպասումներ չունեն, ամեն անգամ նույն պատասխանն են լսում։
Այսօր Վարդապետյանին հանդիպելու պահանջով նրանք մտան Դատախազություն, մոտ 40 րոպե սպասելուց հետո լսեցին նույն պատասխանը՝ դիմումներն ուղարկվել են Զինվորական դատախազություն։
Մանրամասները՝ տեսանյութում։
