16.01.2026 | 13:10
Կրկնակի օլիմպիական չեմպիոն Աբդուլռաշիդ Սադուլաևը պայմանագիր է կնքել RAF-ի հետ
«Վերահաստատո՞ւմ եք, որ ՀՀ-ն Արցախի անվտանգության երաշխավորն է», «դա ասելով չէ»․ Մանուկյանի հարցը՝ Գրիգորյանին․ ՏԵՍԱՆՅՈՒԹ
Քաղաքականություն
20.12.2022 | 11:50
«Հայաստան» խմբակցության պատգամավոր Գեղամ Մանուկյանը ԱԺ նիստի ժամանակ հարց ուղղեց ԱԽ քարտուղար Արմեն Գրիգորյանին․ «Վերահաստատու՞մ եք , որ Հայաստանը շարունակում է մնալ Արցախի անվտանգության երաշխավորն է»:
«Դա ասելով չի, գործով են ապացուցում, իսկ իշխանությունը գործով ապացուցել է: Անցած տարի մոտ 200 մլրդ ֆինանսական աջակցություն է տրամադրվել Արցախին, որը ոչ միայն սոցիալ-տնտեսական, այլ նաև անվտանգային հարցեր է լուծել: Այստեղ երկրորդ կարծիք չի կարող լինել, պատասխանը հստակ է»,- պատասխանեց ԱԽ քարտուղարը:
Գեղամ Մանուկյանն աձագանքեց. «Միջազգային պրակտիկայում եղել է խաղաղություն՝ հողի դիմաց, հող՝ խաղաղության դիմաց, բայց գործընկերս մի հետաքրքիր ձևակերպում տվեց, որը ձեզ համար դարձել է ծրագրային՝ հող՝ փողի դիմաց:
Ինչ խոսում ենք Արցախից, ասում եք՝ փող ենք տալիս։ Ով-ով գոնե դուք Արցախի հետ հարաբերությունները փողի մի՛ վերածեք, ծննուդով Արցախից եք: Փողը տալիս են, որովհետև Արցախն արվերվել է, փողը տալիս են՝ որպես փրկագին, տալիս են, որ մարդիկ լուռ մնան»:
Մանրամասները՝ տեսանյութում։
