30.10.2026 | 14:10
Ծանրամարտի ԱԱ. Ալեքսանդրա Գրիգորյանը գրավեց չորրորդ տեղը
Ադրբեջանի ԱԳՆ-ի արձագանքը Լաչինի միջանցքի փակման մասով Էստոնիայի հայտարարությանը
Քաղաքականություն
20.12.2022 | 12:00
Ադրբեջանի ԱԳՆ-ն շարունակում է դժգոհությամբ արձագանքել տարբերի երկրների՝ Լաչինի միջանցքի փակումը դատապարտող հայտարարություններին։ Հերթական հայտարարությունը հնչել է Էստոնիայի ԱԳՆ-ի հաղորդագրությանն ի պատասխան։
«Մենք մերժում ենք Էստոնիայի ԱԳՆ-ի կողմից Ադրբեջանի Ղարաբաղը հնացած խորհրդային անունով կոչելը։ Թվում է, թե դա նոր միտում է՝ թաքցնելու անօրինական տնտեսական գործունեությունը մարդկային տառապանքների վերաբերյալ պահանջներով և կանխարգելելու անօրինական գործողությունների դեմ ուղղված գործողությունները: Ինչ վերաբերում է «շրջափակմանը»․ ինչպե՞ս է ճանապարհը փակ, եթե մեքենաներ են անցնում»,-ասվում է Ադրբեջանի ԱԳՆ թվիթերյան գրառման մեջ։
Հիշեցնենք՝ Էստոնիայի ԱԳՆ հայտարարության մեջ ասվում էր հետևյալը․
«Լաչինի միջանցքի շարունակական արգելափակումը Լեռնային Ղարաբաղում տեղի բնակչությանը մարդկային ծանր տառապանք է պատճառում և վնասակար ազդեցություն է ունենում ընթացող խաղաղ գործընթացի վրա Հայաստանի ու Ադրբեջանի միջև։ Էստոնիան կողմերին կոչ է անում հավատարիմ մնալ 2020 թ-ի նոյեմբերի եռակողմ հայտարարությանը և վերադառնալ խաղաղ բանակցություններին»։ Ավելի վաղ Ադրբեջանի ԱԳՆ-ն դժգոհությամբ էր արձագանքել նաև ԱՄՆ-ի, Ֆրանսիայի, ԵՄ-ի, Կանադայի Լաչինի միջանցքը բացելու հայտարարություններին։
Էմմա Չոբանյան
