09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
Չենք ուզում, որ մեր խնդիրը լինի ռուս-արևմտյան հակամարտության տիրույթում, չենք ուզում գործիք դառնալ․ Արտակ Բեգլարյան․ ՏԵՍԱՆՅՈՒԹ
Քաղաքականություն
19.12.2022 | 20:22
Մենք ցանկանում ենք համագործակցություն՝ Ռուսաստանի, արևմտյան պետությունների և ընդհանրապես բոլոր պետությունների միջև։ ՄԱԿ-ի գրասենյակի դիմաց անցկացված ակցիայի ժամանակ այս մասին նշեց Արցախի պետնախարարի խորհրդական Արտակ Բեգլարյանը՝ անդրադառնալով հարցին, թե ինչո՞ւ ակցիան չի անցկացվում Հայաստանում ՌԴ դեսպանատան դիմաց։
Բեգլարյանի խոսքով՝ ՄԱԿ-ը միջազգային հանրության դեմքն է և մարմնավորումը․ բոլոր պետություններն այնտեղ ներկայացված են և ՄԱԿ-ին ուղղված դիմումը ուղղված է բոլորին։
«Պատմությունը ցույց է տալիս, որ գերտերությունների կամ տարածաշրջանային հակամարտությունների դեպքում տուժում են փոքր պետությունները։ Այդ պատճառով չենք ուզում, որ մեր խնդիրը լինի ռուս-արևմտյան հակամարտության տիրույթում։ Մենք չենք ուզում գործիք դառնալ ո՛չ արևմտյան, ո՛չ էլ ռուսական կողմի ձեռքին, հետևաբար պահում ենք որոշակի զսպվածություն՝ հաշվի առնելով նաև ռուս խաղաղապահների առաքելությունն Արցախում։ Ռուս խաղաղապահների և մեր Պաշտպանության բանակի շնորհիվ է, որ վերջին 2 տարվա ընթացքում մենք ցեղասպանության չենք առերեսվել»,- ասաց Արտակ Բեգլարյանը՝ միաժամանակ նկատելով՝ ռուսական ռազմաքաղաքական երաշխիքները ճեղքումներ են տվել, ուստի ցանկալի է, որ ՄԱԿ-ը մասնակցություն ունենա անվտանգության երաշխավորման գործում։
Մանրամասները՝ տեսանյութում։
