15.01.2025 | 13:40
Ստամբուլում մեկ օրում կեղծ ալկոհոլից 11 մարդ է մահացել
100 հազար բնակչի հաշվարկով 21 դատավոր է անհրաժեշտ․ մեզ մոտ դա 3 անգամ պակաս է․ Արտակ Զեյնալյան․ ՏԵՍԱՆՅՈւԹ
Հասարակություն
19.12.2022 | 21:16
Իրավունքի զարգացման և պաշտպանության հիմնադրամը Բաց հասարակություն հիմնադրամներ-Հայաստանի և Ժնևի անվտանգության ոլորտի կառավարման կենտրոնի (DCAF) հետ համատեղ՝ «Գաղտնի հսկողության միջոցներ․ ՄԻԵԴ չափանիշներ և միջազգային լավագույն փորձ, ՀՀ օրենսդրության խնդիրներ» խորագրով աշխատաժողով է կազմակերպել։
«Այս ոլորտում վիճակը շատ վատ է․ մշակույթի և ընկալման հետ կապված խնդիր ունենք, սակայն այս խնդիր լուծելու համար սահամանդրական փոփոխության անհրաժեշտություն չկա»,- աաշխատաժողովի ընթացքում այս կարծիքը հայտնեց իրավապաշտպան Արտակ Զեյնալյանը։
«Չափազանց մատչելի է անձնական կյանքի իրավունքի միջամտությունը։ Պետք է անձնական կյանքի հարգանքի իրավունք եզրույթին հոմանիշ դարձնել գաղտնի կյանքի իրավունք եզրույթը․ գաղտնի կյանքը միջամտության ենթակա չէ»,- նշեց իրավապաշտպանը։
Խոսելով դատական համակարգի վեթինգի մասին՝ Զեյնալյանը կարծիք հայտնեց, որ դատավորների թիվը Հայաստանում շատ քիչ է․ 100 հազար բնակչի հաշվարկով 21 դատավոր է անհրաժեշտ․ մեզ մոտ դա 3 անգամ պակաս է։ «Պետք է եղած դատավորների՞ն վեթինգի ենթարկել, թե նոր դատավորներ պետք է ներգրավել, որ լավ դատավորներ ունենանք․ սա խնդիր է, որը պետք է լուծել»։
Նշենք, որ աշխատաժողովի ընթացքում ներկայացվեց ԻԶՊՀ «Մարդու իրավունքների եվրոպական կոնվենցիայի 8-րդ հոդվածի խախտում արձանագրած ՄԻԵԴ վճիռների ուսումնասիրություն» ծրագրի ընթացքում վեր հանված խնդիրները։
Անդրադարձ կատարվեց Մարդու իրավունքների եվրոպական դատարանի սահմանած չափանիշներին, օրենքին համապատասխան միջամտությանը և անօրինական միջամտության դեմ արդյունավետ երաշխիքներին, Մարդու իրավունքների եվրոպական կոնվենցիայի 8-րդ հոդվածի խախտման հիմքով Հայաստանի դեմ կայացված վճիռներին և ՀՀ ազգային օրենսդրությանը՝ ՄԻԵԴ սահմանած չափանիշների համատեքստում։
Մանրամասները՝ տեսանյութում։
