13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Իսրայելը և ՀԱՄԱՍ-ը սկզբունքորեն համաձայնության են եկել Գազայի գործարքի շուրջ․ The Times of Israel
Քաղաքականություն
15.01.2025 | 12:44
Իսրայելը և պաղեստինյան ՀԱՄԱՍ շարժումը Կատարում անցկացված բանակցություններում սկզբունքային համաձայնության են եկել Գազայի հատվածում գերիների փոխանակման և հրադադարի շուրջ։ Այս մասին գրել է Times of Israel-ը։
Նախօրեին Կատարի ԱԳՆ-ն հայտնել էր, որ բանակցող կողմերը հաղթահարել են հիմնական խոչընդոտները։ Գործարքի մասին պաշտոնապես կհայտարարեն ԱՄՆ-ի, Կատարի և Եգիպտոսի ներկայացուցիչները, որոնք հանդես են եկել որպես միջնորդ։
«Իսրայելն ու ՀԱՄԱՍ-ը սկզբունքորեն համաձայնության են եկել գործարքի շուրջ երկուշաբթի՝ հունվարի 14-ի երեկոյան»,- ասվում է հայտարարության մեջ:
Քննարկումները կապված են անկլավից իսրայելական բանակի դուրսբերման չափանիշների հետ։ Միջնորդներն Իսրայելից ակնկալում են քարտեզ, որտեղ նշված կլինեն այն տարածքները, որտեղ տեղակայվելու են Իսրայելի պաշտպանության բանակի ստորաբաժանումները:
Արաբ պաշտոնյաներից մեկը պարբերականին ասել է, որ արագ փոխզիջման հասնելու համար Մերձավոր Արևելքի հարցերով ԱՄՆ նորընտիր նախագահի ապագա հատուկ ներկայացուցիչ Սթիվեն Վիտկովին «հաջողվել է մեկ հանդիպման ընթացքում ավելի շատ առաջ մղել» Իսրայելի վարչապետ Բենիամին Նեթանյահուին, քան Բայդենի վարչակազմը դա արել է ամբողջ անցած տարվա ընթացքում:
Գործարքի երեք փուլերից առաջինը կտևի վեց շաբաթ, որի ընթացքում ՀԱՄԱՍ-ը պետք է ազատի 33 իսրայելցի պատանդների՝ Իսրայելում բանտարկված 1000 պաղեստինցի կանանց և երեխաների դիմաց: Իսրայելական զորքերը կսկսեն լքել Գազայի բնակավայրերը։ Երկրորդ փուլում գրոհայինները կազատեն մնացած գերիներին՝ Իսրայելի բանակի ամբողջական դուրսբերման դիմաց, երրորդ փուլում էլ ՀԱՄԱՍ-ը կվերադարձնի մահացածների մարմինները, և կողմերը կհամաձայնեցնեն Գազայի հատվածի վերականգնման ծրագիրը։
Թարգմանությունը՝ Տաթև Ֆռանգյանի
