Հայաստանում օպերատիվ հետախուզական միջոցառումների նկատմամբ հսկողության միջոցները կա՛մ բացակայում են, կա՛մ արդյունավետ չեն․ Սաքունց․ ՏԵՍԱՆՅՈՒԹ

Իրավունքի զարգացման և պաշտպանության հիմնադրամը Բաց հասարակություն հիմնադրամներ-Հայաստանի և Ժնևի անվտանգության ոլորտի կառավարման կենտրոնի (DCAF) հետ համատեղ՝ «Գաղտնի հսկողության միջոցներ․ ՄԻԵԴ չափանիշներ և միջազգային լավագույն փորձ, ՀՀ օրենսդրության խնդիրներ» խորագրով աշխատաժողով է կազմակերպել։

Աշխատաժողովի ժամանակ իր ելույթում ՀՔԱ Վանաձորի գրասենյակի ղեկավար Արթուր Սաքունցը նշեց, որ հետախուզության հետ կապված օրենսդրական փոփոխություններն օրինաչափ են։

«Անկախությունից հետո, անցած 30 տարիների ընթացքում այդպես էլ չի լուծվել այս խնդիրը․ չնայած 2001 թվականից է Հայաստանը դարձել ԵԽ անդամ երկիր, բայց մնացել է խորհրդային բռնապետական ռեժիմի տրամաբանության մեջ։ Ցավոք չենք ունեցել և մինչ այժմ էլ չունենք այնպիսի վստահելի ինստիտուտներ՝ օրինակ՝ հանձինս ԱԱԾ-ի, Ոստիկանության կամ դատարանների, որոնք կարող էին կանխել անձի անձնական կյանքի անձեռնմխելիության նկատմամբ ոտնձգությունները՝ մի կողմից, և մյուս կողմից՝ համաչափ կարողանան որոշել, թե որոնք են սահմանափակումները՝ կապված անձի տեղեկություններ ստանալու, կարծիք արտահայտելու հետ․ այսինքն՝ չունենք մի դեպքում՝ պետության միջամտության սահմանները, և մյուս դեպքում՝ անձի՝ պետական կառավարման վերաբերյալ կամ տեղեկություններ ձեռք բերելու սահմանափակումները»,-նշեց իրավապաշտպանը։

Սաքունցի դիտարկմամբ՝ Հայաստանում օպերատիվ հետախուզական միջոցառումների նկատմամբ հսկողության միջոցները կա՛մ բացակայում են, կա՛մ արդյունավետ չեն։

Մանրամասները՝ տեսանյութում