15.09.2026 | 18:10
ԵԽ-ն հաստատեց ՀՀ-ի համար առևտրի արտոնյալ պայմանների ռեժիմը // Առուշ Առուշանյանը չի ազատազրկվի․ ԼՈՒՐԵՐ
Մարտակերտից հերքում են արցախցիների կողմից Քարվաճառի ճանապարհը փակելու լուրը
18.12.2022 | 16:45
Լրագրող, դերասան Գագիկ Հարությունյանն իր ֆեյսբուքյան էջում գրել է, որ արցախցիները Մարտակերտում փակել են ճանապարհը` թույլ չտալով ադրբեջանցիներին Ակնայից գնալ Քարվաճառ։
«Քարվաճառում մի քանի հազար ադրբեջանցի զինվորներ հիմա փաստացի կորցրել են կապն Ադրբեջանի հետ։
Արցախցին դիմացկուն է, իսկ ադրբեջանցի՞ն։ Կասկածում եմ…»,- գրել է Գագիկ Հարությունյանը:
Մարտակերտի շրջանի վարչակազմի ղեկավար Արսեն Ավանեսյանը, սակայն, հերքեց լուրը:
«Կեղծ ինֆորմացիա է»,- ասաց Ավանեսյանը:
Մարտակերտի դպրոցի տնօրեն Մելսիդա Կարդումյանը ևս Factor.am-ի հետ զրույցում ասաց, որ ճանապարհը չեն փակել: Հարցին, թե արդյոք որևէ միջադեպ եղե՞լ է, որը կարող էր նման լուրի տարածման առիթ դառնալ, Կարդումյանն ասաց, որ իրեն որևէ հանգամանք հայտնի չէ:
