30.10.2026 | 11:18
Հարկադիրի Շիրակի բաժնի պետը կալանավորվել է
4 տղամարդ և 2 կին Երևանի ակումբներից մեկում ծեծկռտուք են սարքել
Հասարակություն
18.12.2022 | 15:53
ՀՀ ոստիկանությունից տեղեկացնում են, որ դեկտեմբերի 16-ին՝ ժամը 03.58-ին, ոստիկանության օպերատիվ կառավարման կենտրոն զանգած քաղաքացին հայտնել էր, որ Ալեք Մանուկյան փողոցի ակումբից աղմուկի ձայներ լսելով՝ մոտեցել է ու տեսել արնոտված մարդկանց:
Ահազանգով մեկնած ոստիկանները նշված վայրում նկատել են մի խումբ մարդկանց, որոնք վիճաբանում, հայհոյում և փոխադարձ հարվածներ էին հասցնում միմյանց: Չորս տղամարդիկ և երկու կանայք, խուլիգանություն կատարելու հիմնավոր կասկածանքով, ձերբակալվել և տեղափոխվել են ոստիկանության Մարաշի բաժանմունք: Պարզվել է նրանց ինքնությունը. տղամարդիկ՝ Երևան քաղաքի, կանանցից մեկը՝ Կոտայքի մարզի Արզական գյուղի, մյուսը՝ Արմավիր քաղաքի բնակիչ էին:
Նախապատրաստված նյութերն ուղարկվել են քննչական բաժին:
