15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Լաչինի միջանցքը չի բացվել․ ըստ ադրբեջանական ԶԼՄ-ի՝ «էկոակտիվիստներն ընդլայնում են իրենց բողոքի ցույցը»
Քաղաքականություն
16.12.2022 | 18:31
Ադրբեջանական APA լրատվականը հայտնում է, որ Արցախը ՀՀ-ին կապող միակ ճանապարհը՝ Լաչինի միջանցքը փակած, այսպես կոչված, ցուցարարները հայտարարել են, որ չեն հեռանա այնտեղից, քանի դեռ չեն հասել իրենց նպատակներին։ Ըստ այդ տեղեկությունների՝ այդ մասին հաղորդել է Ադրբեջանի բնապահպանության և բնական պաշարների նախարարությանը կից հասարակական խորհրդի անդամ Արզու Ալիևան։ Նրա խոսքով՝ ակցիան շարունակվում է առաջին օրվա ոգևորությամբ։
«Առաջին օրվանից այստեղ եմ, արդեն հինգերորդ օրն է, այստեղ մթնոլորտը շատ հաճելի է, ոգևորությունը բարձր մակարդակի վրա է, և մեր ակցիայի նպատակը պարզ է՝ մենք ակցիան անցկացնում ենք, քանի որ մեր մոնիթորինգը չի թույլատրվել, ամեն դեպքում մենք չենք պատրաստվում դադարեցնել ակցիան, թեև այսօր ակնկալում էինք պատասխան մեր պահանջներին, բայց ռուս խաղաղապահները չհամաձայնվեցին, մենք ընդլայնել ենք մեր բողոքի ակցիան և շարունակում ենք էլ ավելի բարձր հնչեցնել մեր կարգախոսները»,- հայտարարել է Ալիևան։
Ադրբեջանական լրատվամիջոցը գրում է, որ այսպես կոչված «էկոակտիվիստները» քննադատել են ռուս խաղաղապահների գործունեությունը ու պահանջել առաքելության դուրս բերում։
Ավելի վաղ հայկական մեդիատիրույթում տեղեկություններ էին հայտնվել, թե ադրբեջանցիներն իբր բացում են Լաչինի միջանցքը։ Շատ չանցած Արցախի տեղեկատվական շտաբը հաղորդագրություն էր տարածել՝ հայտնելով, որ 16։30-ի դրությամբ ճանապարհը փակ է մնում։
Տաթև Ֆռանգյան
