16.01.2026 | 14:46
Ոստիկաններին վրաերթի են ենթարկել և փախուստի դիմել․ երկու անձ ձերբակալվել է
Բաքվի պատվիրակները ԼՂ-ում հանդիպել են խաղաղապահների հետ․ Սիմոնյանն ընդունեց ԱՄՆ դեսպանին․ Լուրեր
Քաղաքականություն
16.12.2022 | 17:02
- Ադրբեջանական պատվիրակությունը այսօր Արցախում ռուս խաղաղապահների շտաբում կրկին բանակցություններ է անցկացրել։ Հանդիպմանը ադրբեջանցիները կրկին խոսել են Արցախի հանքավայրերում մոնիտորինգի իրականացման մասին։
- Factor.am-ը, որ այս օրերին ուղիղ հեռարձակում է իրականացնում Գորիս-Ստեփանակերտ ավտոճանապարհից, ականատես է եղել, թե ինչպես են ԵՄ դիտորդները Գորիս-Ստեփանակերտ ավտոճանապարհի փակ հատվածում դիտարկումներ անում։
- Արցախի ԱԳ նախարարի պաշտոնակատար Դավիթ Բաբայանը հայտարարել է, որ խաղաղապահ առաքելության ներուժը, որն ուղիղ ածանցյալ է մանդատից, պետք է ավելանա։ Բաբայանը նաև նշել է, որ նախևառաջ պետք է ավելանա ռուս խաղաղապահների թվաքանակը, երկրորդ հերթին՝ խաղաղապահներրը պետք է ստանան միջազգային մանդատ։ Լաչինի միջանցքի հնարավոր բացման մասին Բաբայանն ասել է, որ աշխատանք է տարվում և հույս կա, բայց այդպիսի միջադեպերը կարող են կրկնվել։
- Հայաստանում կստեղծվի ՆԳ նախարարություն։ Այս մասին օրենքն Ազգային ժողովում ընդունվել է ՔՊ խմբակցության քվեարկությամբ։ Ընդունված այլ օրենքներով ՏՏ ոլորտը նոր հարկային արտոնություններ է ստացել, ԲԴԽ նախագահի աշխատավարձը բարձրացվել է, շահումով խաղերի կազմակերպիչների հարկերը բարձրացվել են։
Այս ժամի լուրերը՝ տեսանյութում։
