27.06.2026 | 20:57
Էդուարդ Սպերցյանը կտեղափոխվի Սաուդյան Արաբիա. աղբյուր
Ադրբեջանական պատվիրակությունն Արցախում կրկին բանակցություններ է անցկացրել ռուս խաղաղապահների հետ
Քաղաքականություն
16.12.2022 | 15:06
Ադրբեջանական պատվիրակությունը այսօր Արցախում ռուս խաղաղապահների շտաբում կրկին բանակցություններ է անցկացրել։ Ադրբեջանական քարոզչական լրատվականների փոխանցմամբ՝ Ադրբեջանի Էկոնոմիկայի, Էկոլոգիայի և բնական պաշարների նախարարության, Էկոնոմիկայի նախարարության պետական գույքի ծառայության և «ԱզերԳոլդ» ՓԲԸ-ի ներկայացուցիչներից կազմված պատվիրակությունն այցելել է Իվանյան համայնքում ռուս խաղաղապահների շտաբ։
Հանդիպմանը ադրբեջանցիները կրկին խոսել են Արցախի հանքավայրերում մոնիտորինգի իրականացման մասին։ Ըստ նրանց՝ չեն ստեղծվել անհրաժեշտ պայմանններ հանքավայրերի դիտարկման համար ու չեն կատարվել առաջադրված խնդիրները։
Հիշեցնենք, որ ավելի վաղ Ադրբեջանի իշխանությունների կողմից գործուղված բնապահպանները դեկտեմբերի 7-ին ևս բանակցություններ էին անցկացրել Արցախում ռուսական խաղաղապահ զորակազմի հրամանատար Անդրեյ Վոլկովի հետ Արցախի հանքերի մոնիթորիգի հարցով ու համաձայնության հասել ադրբեջանական կողմի հետ։ Այդպես էլ պարզ չդարձավ՝ ի՞նչ իրավասությամբ է Վոլկովը քննարկում Արցախի տնտեսությանն ու հանքարդյունաբերությանը վերաբերող հարցեր, որոնք իր իրավասությունների տիրույթից դուրս են։ Իսկ ահա Լաչինի միջանցքի անվտանգության ապահովումը, որը 2020թ․ նոյեմբերի 9-ի եռակողմ հայտարարությամբ ռուս խաղաղապահների պարտականությունն է, այդքան էլ լավ չի ստացվում։ Վոլկովի հետ պայմանավորվածություն ձեռք բերելուց հետո մի խումբ ադրբեջանցիներ, իբր, մոնիթորինգի համար հասել էին Կաշենի հանքավայր, սակայն տեղի բնակիչներն ու աշխատակիցները նրանց ներս չէին թողել։ Դեկտեմբերի 3-ին նույնպես Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ, իբր, բնապահպանական պատճառաբանությամբ կրկին փակել էին Ստեփանակերտ-Գորիս մայրուղին։ Հավելենք, որ արդեն 5-րդ օրը ադրբեջանցիները փակ են պահում Լաչինի միջանցքը։
Էմմա Չոբանյան
