06.12.2025 | 19:41
ԿԳՄՍ նախարարությունը մեկնարկել է վորկաութի և առողջ ապրելակերպի խթանման ծրագիր
Արցախում դեղորայքի սղություն կա․ Վարդանյանը՝ գազամատակարարման վերականգնման մասին․ Լուրեր
Քաղաքականություն
16.12.2022 | 13:33
- Հայաստանից Արցախ գազի մատակարարումը վերականգնվել է։ Այս մասին առավոտյան հայտնել է Արցախի պետնախարար Ռուբեն Վարդանյանը։ Նա վստահեցրել է, որ դրա դիմաց ադրբեջանական կողմից ոչ մի զիջում չի արվել, դա միջազգային ճնշման արդյունք է եղել։ Վարդանյանը նաև տեղեկացրել է, որ այսօր հնարավոր է բացվի նաև միջանցքը, որ Բաքվի ուղարկած ակտիվիստները փակ են պահում արդեն 5 օր։ Իր տեսաուղերձում Վարդանյանը նաև շնորհակալություն է հայտնել բոլորին, ովքեր օգնել են Ադրբեջանի նկատմամբ այդ ճնշումը գործադրելուն։ Նա նաև տեղեկացրել է, որ վաղը Ստեփանակերտի Վերածննդի հրապարակում հանրահավաք են անցկացնելու՝ Արցախի կամքը ցույց տալու համար։
- Միաժամանակ ճանապարհի փակ լինելու պատճառով դեղորայքի սղություն է արձանագրվել Ստեփանակերտի դեղատներում։
- Երևանում ՄԱԿ-ի ներկայացուցչության առաջ նստացույց անող Արցախի պետնախարարի խորհրդական Արտակ Բեգլարյանը հայտնել է, որ շարունակում է պայթարը՝ Լաչինի միջանցքի բացման համար։ Նա նաև տեղեկացրել է, որ այսօր ժամը 15:00-ին հավաք են անցկացնելու ՄԱԿ-ի ներկայացուցչության մոտ։
Այս ժամի լուրերը՝ տեսանյութում։
