30.10.2026 | 10:10
Ռոնալդուն հեթ-տրիկ է գրանցել տևական ընդմիջումից հետո. ՏԵՍԱՆՅՈՒԹ
Ռուսաստանը Ուկրաինայում ձմռանը նոր հարձակման է պատրաստվում․ISW
Քաղաքականություն
16.12.2022 | 13:44
Ռուսաստանը կարող է պայմաններ ստեղծել Ուկրաինայում նոր հարձկաման համար, հնարավոր է՝ 2023 թ-ի ձմռանը, գրում է BBC-ի ռուսական ծառայությունը։ Պատերազմի ուսումնասիրման ամերիկյան ինստիտուտի (ISW) վերլուծական զեկույցում ասվում է, որ քիչ հավանական է, որ նման հարձակումը հաջողությամբ պսակվի։ Միաժամանակ Բելառուսի տարածքից հարձակումը իրատեսական չի համարվում։ Ինստիտուտի մասնագետներն ու ուկրաինացի պաշտոնյաները, հիմք ընդունելով Կրեմլի հայտարարություներն ու գործողությունները, կարծում են՝ ՌԴ նախագահ Վլադիմիր Պուտինի նպատակները Ուկրաինայում չեն փոխվել։ Պուտինը շարունակում է մաքսիմալիստական նպատակներ հետապնդել Ուկրաինայում՝ օգտագործելով տարբեր մեխանիզմներ, որոնց նպատակն է ուկրաինացիներին ստիպել բանակցել Ռուսաստանի պայմաններով և զիջումների գնալ՝ ի շահ Մոսկվայի։
Ըստ զեկույցի՝ այս փորձերը Կիևին չեն ստիպել բանակցությունների կամ զիջումների գնալ, և Ուկրաինան պահպանել է նախաձեռնությունը մարտի դաշտում Խարկովի և Խերսոնի շրջաններում երկու հաջորդական հակահարձակումներից հետո: Այդ պատճառով Պուտինը կարող է պայմաններ ստեղծել ռազմական գործողությունների հաջորդ փուլի համար 2023 թվականի ձմռանը, եթե առաջին երկուսը չապահովեն դրված նպատակների իրականացումը։
Էմմա Չոբանյան
