30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Նենսի Փելոսիի ամուսնու վրա հարձակվողը հարձակումներ էր ծրագրել Ջո Բայդենի որդու և Թոմ Հենքսի վրա
Քաղաքականություն
15.12.2022 | 14:30
ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի ամուսնու՝ Փոլ Փելոսիի վրա հարձակված Դեյվիդ ԴեՓեփին ոստիկանությանը հայտնել է, որ հարձակումներ է ծրագրել ԱՄՆ նախագահ Ջո Բայդենի որդու՝ Հանթերի, հոլիվուդյան դերասան Թոմ Հենքսի և Քալիֆորնիայի նահանգապետ Գևին Նյուսոմի վրա։ CBS հեռուստաընկերության տեղական գրասենյակի հաղորդմամբ՝ այս մասին հայտարարել է Սան Ֆրանցիսկոյի ոստիկանության ներկայացուցիչ, սերժանտ Կառլա Հերլին, ով հարցաքննել է հարձակվողին։
Նա չի մանրամասնել՝ արդյո՞ք իրավապահներն ապացույցներ ունեն, որ ԴեՓեփին իրականում մտադիր էր այլ հարձակումներ իրականացնել:
Միևնույն ժամանակ, չորեքշաբթի դատարանում ցուցմունք տվել տված Հերլին նշել է, որ ԴեՓեփին իրեն ասել է, որ Վաշինգտոնում «չարն է տիրում»։
«Նրանք ամեն օր ստում են, մի հանցագործություն են անում, հետո՝ մյուսը, մեկը, հետո նորից մյուսը»,- ոստիկանի խոսքով՝ հարցաքննության ժամանակ ասել է հարձակվողը։
Նիստի ավարտին Սան Ֆրանցիսկոյի շրջանի Գերագույն դատարանի դատավոր Սթիվեն Մերֆին վճռել է, որ բավականաչափ ապացույցներ են հավաքվել՝ շարունակելու ԴեՓեփիի դեմ գործը բոլոր մեղադրանքներով, ներառյալ՝ սպանության փորձը: ԴեՓեփին պետք է դեկտեմբերի 28-ին ներկայանա նահանգի դատարան, որպեսզի նրան պաշտոնապես մեղադրանք առաջադրվի:
Տաթև Ֆռանգյան
