18.12.2025 | 23:24
ՀՀ տարածքում ավտոճանապարհները հիմնականում անցանելի են
Մերուժան Սիմոնյանը վայր է դնում պատգամավորական մանդատը․ հեռանում է նաև ԲՀԿ-ից
Քաղաքականություն
08.06.2018 | 16:46
ԲՀԿ պատգամավոր Մերուժան Սիմոնյանը հայտարարություն է տարածել, որով տեղեկացնում է, որ վայր է դնում պատգամավորական մանդատն ու հեռանում ԲՀԿ-ի շարքերից: Հայտարարությունը՝ ստորև
Ես՝ Մերուժան Սիմոնյանս, հրաժարվում եմ «Բարգավաճ Հայաստան» կուսակցության անդամակցությունից:
Իմ կողմից՝ Սյունիքի մարզպետի պաշտոնը զբաղեցնելու մասին մամուլում շրջանառված տեղեկությունների արդյունքում կարող է տպավորություն ստեղծվել, որ ես այս քայլն անում եմ այլ մարդկանց կողմից մարզպետ նշանակվելու պատճառով, բայց ո՛չ, ի գիտություն հայտնեմ.
«Բարգավաճ Հայաստան» կուսակցությունը երկար դադարից հետո իշխանության մաս է կազմում, իսկ ես այս լուսավոր օրը հրաժարվում եմ նաև ռեյտինգային կարգով ստացած պատգամավորի իմ պաշտոնից, որը, ի դեպ, առավել բարձր պաշտոն է, քան մարզպետինը:
Ինձ համար երբևէ պաշտոն զբաղեցնելը ինքնանպատակ չի եղել, առաջնային են եղել իմ խիղճն ու սկզբունքները:
Այս պահին քաղաքականությամբ զբաղվելու ցանկություն չունեմ: Ոորոշումս կայացրել եմ Սյունիքի իմ ընկերների և թիմակիցների հետ քննարկման արդյունքում:
Անկախ այս ամեն ինչից, շարունակելու եմ լինել հայ մարդու կողքին, սյունեցու կողքին:
Շնորհակալ եմ բոլոր նրանց, ովքեր տարիների ընթացքում անշահախնդիր և անդավաճան եղել են իմ կողքին:
Շնորհակալ եմ սյունեցիներին:
Շնորհակալ եմ թասիբով ղափանցիներին:
