07.06.2026 | 11:38
Գագիկ Ծառուկյանը քվեարկում է ԱԺ ընտրություններում. ՈՒՂԻՂ
Ռուսական զրահամեքենա բերվեց ավտոճանապարհ, երբ արցախցիները որոշեցին գնալ Լաչին․ ՏԵՍԱՆՅՈՒԹ
14.12.2022 | 15:31
Արդեն 3-րդ օրն է` փակ է մնում Արցախը Հայաստանին կապող միակ ավտոճանապարհը։ Ավելի քան 1100 արցախցի, ըստ Արցախի ՄԻՊ-ի, այս պահին զրկված է տուն վերադառնալու հնարավորությունից․ նրանցից 270-ը երեխաներ են։ Շատերն անորոշ ժամանակով տեղավորվել են Գորիսի հյուրանոցներում կամ հարազատների տանը։ Այս պահին հնարավորություն չկա նաև առաջին անհրաժեշտության ապրանքներ՝ սննդամթերք ու դեղորայք տեղափոխելու Արցախ։
Հիշեցնենք` որպես բնապահպան ներկայացող ադրբեջանցիների խումբը դեկտեմբերի 12-ի ժամը 10։30-ից փակել է ռուս խաղաղապահների վերահսկողության տակ գտնվող Լաչինի միջանցքը, վրաններ տեղադրել, ինչի պատճառով Գորիս-Ստեփանակերտ ավտոճանապարհով երթևեկությունը դադարեցված է։ Այս պահին էլ ճանապարհին կուտակված բազմաթիվ ավտոմեքենաներ կան։ Factor TV-ն երեկվանից ուղիղ հեռարձակմամբ լուսաբանում է ստեղծված իրավիճակը։ Այս պահին էլ մեր նկարահանող խումբն աշխատում է ճանապարհի այն հատվածում, որտեղից այն կողմ ոստիկանության ծառայողները մեքենաներին թույլ չեն տալիս առաջ ընթանալ։
Ռուսական զրահամեքենա բերվեց ավտոճանապարհ, երբ արցախցիները որոշեցին գնալ Լաչին։
