24.05.2026 | 15:29
Տեղամասային կենտրոնի փոփոխություն՝ օնլայն դիմումով․ ԿԸՀ-ի պարզաբանումը
Ընտանիքի անապահովություն, կենսաթոշակ, երեխաների խնամք, նպաստ. քաղաքացիներին հիմնական հարցերը՝ սոցապնախարարությանը
Հասարակություն
08.06.2018 | 16:03
2018թ. մայիս ամսվա ընթացքում ՀՀ աշխատանքի և սոցիալական հարցերի նախարարության «114» թեժ գիծ ծառայությունը ստացել է 6553 զանգ:
Քաղաքացիներն ամենաշատը զանգահարել են ընտանիքի անապահովությանն առնչվող հարցերով (2186 զանգ)։ Զանգերից 1204-ը եղել է կենսաթոշակին առնչվող ընդհանուր ճշգրտող հարց, 221 զանգ վերաբերել է երեխաների խնամքին, 150-ը՝ երեխայի խնամքի նպաստի առցանց դիմումի ներկայացմանը, 213-ը՝ երեխայի ծննդյան միանվագ նպաստին, 407-ը՝ երեխայի ծննդյան միանվագ նպաստի առցանց դիմումի ներկայացմանը, 164-ը՝ մայրության նպաստին, 121 զանգ՝ կենսաթոշակի կուտակային բաղադրիչին առնչվող հարցերին:
Քաղաքացիները զանգահարել են նաև բժշկասոցիալական փորձաքննության (251), ավանդի փոխհատուցման (162) և ոլորտում առկա այլ հարցերին առնչվող տեղեկատվություն ստանալու համար:
Մայիս ամսին ստացվել է 121 բողոք, որից 21–ը ուղղված է եղել Բժշկասոցիալական փորձաքննության հանձնաժողովին, 22-ը՝ Սոցիալական աջակցության տարածքային բաժիններին, իսկ 78-ը՝Սոցիալական ապահովության պետական ծառայության տարածքային բաժիններին:
Թեժ գիծ զանգահարած քաղաքացիների բարձրացրած հարցերի շուրջ 90%-ը տեղում լուծում է ստացել, իսկ լրացուցիչ ուսումնասիրություն պահանջող մյուս հարցերին համապատասխան ընթացք է տրվել:
