12.10.2026 | 19:46
15 ժամ ջուր չի լինի Երևանի Կենտրոն վարչական շրջանի մի շարք հասցեներում
Կարեն Կարապետյանի մշակած բյուջեն Նիկոլ Փաշինյանի Կառավարությունը հաստատեց 1մլրդ 238 հզ.դրամ եկամուտով․ ՏԵՍԱՆՅՈՒԹ
Տնտեսություն
08.06.2018 | 15:00
Ազգային ժողովի Ֆինանսավարկային և բյուջետային հարցերի մշտական հանձնաժողովում այսօր հաստատվեց 2017 թվականի պետական բյուջեի կատարման տարեկան հաշվետվությունը՝ եկամուտների գծով` 1,237,780,767.4 հազար դրամ, ծախսերի գծով` 1,504,802,229.8 հազար դրամ, բյուջեի դեֆիցիտը` 267,021,462.4 հազար դրամ:
Հարցի հիմնական զեկուցող ԱԺ ՀՀԿ խմբակցության պատգամավոր, Ֆինանսավարկային և բյուջետային հարցերի մշտական հանձնաժողովի նախագահ Գագիկ Մելիքյանը նշեց, որ ԱԺ-ի հաստատմանը ներկայացված բյուջեն ունի մի քանի առանձնահատկություն:
«Այս բյուջեն անցումային բյուջե է, որը մշակվել է վարչապետ Կարեն Կարապետյանի օրոք, բայց հաշվետվություն ներկայացնում է Նիկոլ Փաշինյանի ղեկավարած Կառավարությունը։ Այս առանձնահատկությունը միակը չէ, քանի որ ունենք նաև այլ առանձնահատկություն՝ վերջին տասը տարվա ընթացքում 7,5 տոկոսանոց տնտեսական աճ ենք արձանագրել և առաջին անգամ է մեզ հաջովել նման բարձր տնտեական աճ արձանագրել»,- ասաց Գագիկ Մելիքյանը՝ հույս հայտնելով, որ նոր Կառավարությանը կհաջողի այս տարին ևս ամփոփել բարձր տնտեսական աճով։
Որպես այս տարվա բյուջեի առանձնահատկություն Գագիկ Մելիքյանը կարևորեց նաև ապրլի 9-ից ուժի մեջ մտած հաշվեքննիչ պալատի դերը, ինչը կարևոր է հարկային եկամուտների վերահսկողության համար։
Մանրամասները՝ տեսանյութում։
