08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
«Ելք»-ի երկու պատգամավորներ անձնական երաշխավորություն են ներկայացրել Պավել Մանուկյանի որդու կալանքը փոխելու համար
Հասարակություն
08.06.2018 | 12:52
«Սասնա ծռեր» խմբի անդամ Պավել Մանուկյանի որդուն՝ Արամ Մանուկյանին, կալանքից ազատելու համար «Ելք» խմբակցության երկու պատգամավորներ՝ Ալեն Սիմոնյանն ու Հայկ Կոնջորյանն անձնական երաշխավորություն են պատրաստվում ներկայացնել:
«Արամ Մանուկյանն ուներ առողջական խնդիր, նրա վիճակը չի կարգավորվում, դեռ վիճակը ծանր է, և դա առավել հրատապ է դարձնում նրա խափանման միջոցը փոխելու հարցը, որպեսզի նա ազատության մեջ սպասի իր վճռին և հնարավորություն ունենա կարգավորել իր առողջական խնդիրները: Հույս ունենք, որ չենք սպասի օրեր, շաբաթներ, գուցե այսօր կունենանք լավ նորություն»,- այս մասին պատգամավորները հայտնեցին Ֆեյսբուքյան ուղիղ եթերով։
Նշենք, որ Երևանի ընդհանուր իրավասության դատարանի Շենգավիթի նստավայրում ընթանում է «Սասնա ծռեր»-ի գործով դատական նիստը։ Պաշտպանները միջնորդում են ազատել կալանքից իրենց պաշտպանյալներին, նրանց թվում է նաև Արամ Մանուկյանը։
