05.11.2024 | 18:30
Նախաքննությամբ ձեռնարկված միջոցառումների արդյունքում 900 միլիոն դրամ է վերադարձվել պետությանը
Ինչու պետք է պետությունը վճարի, իսկ շենքը պատկանի «Սալսա Դիվելոփմենթ» ՓԲԸ-ին. Փաշինյանը՝ Արծվիկ Մինասյանին․ ՏԵՍԱՆՅՈՒԹ
Տնտեսություն
08.06.2018 | 11:59
Կառավարության հունիսի 8-ի նիստում ՀՀ տնտեսական զարգացման և ներդրումների նախարար Արծվիկ Մինասյանը առաջարկեց «Սալսա Դիվելոփմենթ» փակ բաժնետիրական ընկերության կանոնադրական կապիտալը նվազեցնել և ընկերության անվամբ ձևակերպված շիրնությունը վերցնել և ամրակցել ՀՀ կառավարությանն առընթեր պետական գույքի կառավարման վարչությանը։
Վարչապետը նախարարից հետաքրքրվեց, թե դե ֆակտո այդ շենքն ինչ կարգավիճակում է և ինչու է այն պատկանում այլ ընկերության։
Արծվիկ Մինասյանը նշեց, որ շենքի պահպանության համար այս պահին այն տնօրինողները չեն կարողանում վճարումներ անել և փոփոխությունները պետք են այդ խնդիրներից խուսափելու համար։
ՀՀ Ֆինանսների նախարար Ատոմ Ջանջուղազյանն էլ նկատեց, որ այդ շենքի կարգավիճակի և սպասարկման հետ կապված դեռ որոշակի հարցեր կան և ժամանակ խնդրեց որոշման նախագծում լրացումներ անելու համար։
Վարչապետ Նիկոլ Փաշինյանն արձագանքի մեջ նկատեց, որ քանի դեռ պարզ չի, թե ինչու պետք է շենքի համար վճարի պետությունը, իսկ այն պատկանի «Սալսա Դիվելոփմենթ»-ին և առաջարկեց հարցը հանել օրակարգից։
Մանրամասները՝ տեսանյութում։
